featured photo: Birat Post

विराटनगर ,३१ असोज ।

नेपाली कांग्रेसका केन्द्रीय सदस्य तथा मोरङ क्षेत्र न.४ (ख) बाट प्रदेशसभा सदस्यको उम्मेदवार रहेका भीम पराजुलीले स्थानिय नेता तथा कार्यकर्ता संगकोे भेटलाई तिब्र पारेका छन् । जनताको भावना सम्वोधन कसरी गर्न सकिन्छ भन्दै पराजुलीले सुझाव लिने काम गरिरहेका छन् । टोलटोलमा चुनावी चहलपहल शुरु भएको छ ।

कार्यकर्ताहरु चुनाव केन्द्रीत हुन थालेका छन् । विद्यार्थी राजनीति देखिनै काम गरेका पराजुलीले नेपाली कांग्रेस विराटनगरको दुइपटक सभापति र विराटनगर महानगरको मेयर भएर जिम्मेवारी सम्मालीसकेका छन् ।हाल उनी नेपाली कांग्रेस केन्द्रीय सदस्यको जिम्मेवारीमा छन् । पराजुली विराटनगर महानगरको मेयर हुदा कुनै पनि विवादमा आएनन् । उनले गरेका कार्यको स्थानियले प्रशंसानै गरेका छन् । भ्रष्टाचार नगर्ने र गर्न नदिने प्रतिवद्धताका साथ राजनीति गरिरहेका उनले इमानको राजनीतिमा जोड दिइरहेको भेटिन्छ ।

कटहरी १,२ ,३ र विराटनगर महानगरका १,२,३ ,८ र १० वडा पराजुलीको क्षेत्र हो । उनलाई यही वडाका जनताहरले मतदान गर्नुपर्ने हुन्छ । उनले यो आफ्नो पकड क्षेत्र भएको र जनताको मन जित्न सक्ने भन्दै आइरहेका छन् । यी क्षेत्रहरुमा उनले महत्वपूर्ण विकासका कार्यक्रम ल्याउने सोच रहेको बताएका छन् । उनले “सधै आफ्नो समय, जनता संग” भन्ने अभियानका साथ काम गरिरहेको समेत जानकारी दिए ।

सम्बन्धित

हाल देशभर मनसुनी वायुको प्रभाव,कहाँ-कहाँ छ भारी वर्षा ?

प्रदुषणले बसिनसक्नु बनाएको भन्दै अशोक मुरारकाको श्रीराम रिफाइन फ्याक्ट्री अगाडि स्थानियको विरोध प्रदर्शन

कांग्रेस केन्द्रीय सदस्य भीम पराजुलीले उठाए मोटरसाइकलमा कर छुट देखि हिन्दु राष्ट्र सम्मका कुरा

‘नारदमुनि पवित्रादेवी लुईटेल स्मृति कोष’द्वारा पत्रकार विक्रम निरौला सहित ५ जना सम्मानित