विराटनगर ,२० कात्तिक ।
मोरङ क्षेत्र न.६ का मतदाताले नेपाली कांग्रेसका वरिष्ठ नेता डा.शेखर कोइरालालाई भोट दिएर जिताए बापत आफ्ना छोराछोरीहरुलाई नागरिकता बनाईदिनुपर्ने शर्त राखेका छन।चुनावी प्रचार अभियानमा रहेका कोइराला संग मतदाताहरुले यस्तो माग राखेका छन् । उनिहरुले आफ्ना सन्तानहरु नागरिकता नभएका कारण देशमा काम विहिन भएर बस्नु परेका पिडा सुनाउने गरेका छन् ।
कोइरालाले नेकपा एमालेका कारण हजारौं युवा नागरिकता विहीन हुनु परेको आरोप लगाएका छन् । नेता कोइरालाले संसदबाट पारित गरेर पठाएको नागरिकता विधेयक एमालेको निर्देशनमा राष्ट्रपति विद्यादेवी भण्डारीले स्वीकृत नगरेका कारण हजारौं युवा नागरिकताविहीन भएका छन्,” कोइरालाले भने ।
जसका कारण बैंकमा खाता खोल्न पाएका छैनन्, पासपोर्ट बनाउन पाएका छैनन् । लोकसेवा भिडेर जागिर खान पाएका छैनन् ।” कोइरालाले सदनबाट दुईपटक पास गरेर पठाएको नागरिकता विधेयक पास नगरेर राष्ट्रपतिले संविधानको उल्लंघन गरेको आरोप लगाए । नेता कोइरालाले आगामी मंसिर ४ पछि कांग्रेसको नेतृत्वमा गठबन्धनको सरकार बन्ने दाबी गरे । उनले गठबन्धनको सरकारले नागरिकता विधेयक पास गर्ने प्रष्ट पारे । “मंसिर ४ को निर्वाचनपछि कांग्रेसको नेतृत्वमा गठबन्धनको सरकार बन्छ,” उनले भने “त्यसपछि नागरिकता विधेयक पास हुन्छ र त्यसपछि नागरिकता समस्या समाधान हुन्छ ।