Birat Post आइतबार, मंसिर २५, २०७९ मा प्रकाशित

featured photo: Birat Post

 

विराटनगर , २५ मंसिर ।
विराटनगर–१४ स्थित डिग्री कलेज (पुरानो हवाई फिल्ड)को मैदानमा मंसिर २९ गतेदेखि आयोजना हुने विराट एक्स्पोमा प्रदेश १ मा लगानीकर्तालाई आकर्षित र लगानीको संभाव्यताको छुट्टै पेभिलियन राखिने भएको छ । प्रदेश १ लगानी प्राधिकरण, एसिया फाउण्डेशन र कन्सोर्टियमसँगको सहकार्यमा विराट एक्स्पोमा छुट्टै पेभिलियन राख्न लागिएको आयोजक समितिले जनाएको छ । पेभिलियनमा प्रदेश १ मा लगानीका लागि सम्भावित परियोजनाहरूको प्रदर्शन गर्ने, लगानी गर्न इच्छुकहरूका लागि आवश्यक सहजीकरण गर्ने उद्देश्य राखिएको छ ।

यस्तै, प्रदेश १ मा लगानीका क्षेत्रहरू, संभावित परियोजनाहरू, लगानीको मोडेल, लगानी सहजीकरणका नीतिगत कार्य व्यवस्थाहरूको विस्तृत जानकारीसहितको लगानी पेभिलियन रहने प्रदेश १ लगानी प्राधिकरणले जनाएको छ । प्राधिकरणका निर्देशक डा. सरोज कोइरालाले प्रदेश १ मा लगानीकर्तालाई आकर्षित गर्न एक्स्पोमा लगानीको छुट्टै पेभिलिएन राखिएको जानकारी दिए ।
पेभिलियनमा लगानीका लागि संभावित परियोजनाहरूको प्रदर्शन गर्ने, लगानी गर्न इच्छुकहरूका लागि सहजीकरण गर्न उद्योग संगठन मोरङ, प्रदेश लगानी प्राधिकरण एसिया फाउण्डेशन र कन्सोर्टियमसँगको सहकार्यमा पेभिलियन राखिएको हो । पेभिलियनमा प्रदेश १ का लगानीका क्षेत्रहरू, सम्भावित परियोजनाहरू, लगानीको मोडल, लगानी सहजीकरणका नीतिगत कार्य व्यवथाहरूको विस्तृत जानकारी दिइने कोइरालाले बताए । उनले पेभिलियनमा प्रदेश १ का लागनीका संभावनाहरू के–के छन् ? लगानीको प्रक्रिया के छ ? यहाँका संभावित क्षेत्र के–के छन् भन्ने जानकारी दिने बताएका हुन् ।
पेभिलियनमा उद्योगी व्यवसायीले नयाँ आइडिया लिएर आए त्यस्ता आइडियाहरूलाई कार्यान्वयनमा लैजान सहजीकरण गर्ने डा. कोइरालाले बताए । उनले प्रदेश १ मा चाँडै लगानी सम्मेलन गर्ने योजना रहेकाले प्रदेश स्तरीय लगानी सम्मेलनको पूर्व तयारीका रुपमा एक्स्पोको पेभेलियनलाई उपयोग गर्ने योजना रहेको उनले बताएका हुन् । पेभेयिनमा प्रदेश १ मा लगानीका लागि योग्य तथा प्रिफिजिविलिटी, अध्ययन भइसकेका आकर्षक ५ वटा परियोजना डिस्प्लेका राखिने छन् । परियोजनासँग सम्बन्धित विज्ञ परामर्शदाताहरूबाट परामर्श सेवासमेत प्रदान गरिने जनाइएको छ । पेभेलियनमा प्रदेश १ मा सम्भावित आर्थिक क्लष्टरहरू, कुन क्लष्टरमा कुन वस्तु उत्पादन गर्ने संभावना छ भन्नेबारेमा तथ्य, तथ्यांकसहित फोटो, डकुमेन्टलगायतका सामाग्री रखिने छन् ।

सम्बन्धित

ताजा अपडेट
प्रधानमन्त्रीमा केपी ओलीको दाबी, आइतबार बिहान नियुक्त, दिउँसो शपथ
राष्ट्रपति रामचन्द्र पौडेलद्वारा नयाँ सरकार गठनको लागि आह्वान
बालसन्तद्वारा विराटनगरको सिद्धेश्वर महादेव मन्दिर र सामुदायिक भवनको उद्घाटन

सम्पर्क

 

 

 

विराटपोष्ट डिजिटल प्रा.लि.

विराटनगर – मोरङ ,नेपाल

कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५

सूचना तथा प्रसारण विभाग दर्ता नं:१६६५/०७६/०७७
Email: [email protected] 

सामाजिक संजाल

सञ्चालक तथा सम्पादक

कौशल निरौला

 सम्पादन मण्डल 

रोशिका अधिकारी

स्वस्तिका पाेखरेल

  निर्देशक

सुजन निरौला

काठमान्डौं व्यूरो
   सम्पादक
विनोद पोखरेल

बिज्ञापनका लागि :

विराटनगर : ९८१२३०६६६०/ ९८५२०८७८२०
काठमान्डौं : यादव पोखरेल –  ९८४२०५९१२९

[email protected]

विराटपोष्ट  डिजिटल प्रा.लि.

विराटनगर – मोरङ ,नेपाल