featured photo: Birat Post

काठमाडौँ ,११ पुष ।

नेपाल सरकारले बुस्टर खोप लगाएका नागरिकलाई थप खोपको मात्रा दिने तयारी गरेको छ । कोभिड-१९ संक्रमणको जोखिम फेरि बढ्न सक्ने भन्दै बुस्टर डोज खोप लगाएकालाई थप खोपको मात्रा दिने तयारी गरिएको स्वास्थ्य तथा जनसङ्ख्या मन्त्रालयले जनाएको छ ।

मन्त्रालयका प्रवक्ता डा सञ्जयकुमार ठाकुरले कोरोना भाइरसको नयाँ भेरियन्ट बीएफ-७ को संक्रमण छिमेकी देश भारत र चीनमा बढिरहेकाले नेपालमा उक्त संक्रमण भित्रिन नदिन सबैलाई बुस्टर डोज लगाउन आग्रह गर्नुभएको छ ।

मन्त्रालयले मापदण्ड तोकेका ५५ वर्षमाथिका वृद्धवृद्धा, दीर्घरोगीलगायतलाई प्राथमिकतामा राखेर यसअघि खोपको बुस्टर मात्रा लगाएकालाई थप मात्रा दिने तयारी गरिरहेको बताइएको छ । अहिले दुई मात्रा लगाएकालाई दिने बुस्टर मात्रा खोपका लागि १५ लाख डोज मगाइएको र अबको दुई हप्तापछि खोप आउने स्वास्थ्य मन्त्रालयले जनाएको छ ।

संक्रमणबाट जोगिन अनिवार्य मास्क प्रयोग गर्न, भौतिक दूरी कायम गर्न, साबुन पानीले हात धुन वा स्यानिटाइजर नियमित प्रयोग गर्नसमेत मन्त्रालयले सबैमा आग्रह गरेको छ ।

सम्बन्धित

के कोरोना भाइरस लामखुट्टेको टोकाईबाट सर्छ ?

जेएन–१ भारत र चीनमा देखियो , नेपालमा सजकता अपनाउन आग्रह

भारतबाट फर्किएकामा कोरोना सङ्क्रमण देखिन थाल्यो

कोरोनाको नयाँ भेरियन्ट पत्ता लगाउन सीमा नाकामा ‘जिन सिक्वेन्सिङ’