Birat Post बिहिबार, माघ २६, २०७९ मा प्रकाशित
काठमान्डौं,२६ माघ ।
राष्ट्रिय स्वतन्त्र पार्टी (रास्वपा)का सभापति रवि लामिछानेको दोहोरो राहदानी प्रकरणमा जिल्ला सरकारी वकिलको कार्यालय काठमाडौंले कागजात संकलन सुरु गरेको छ ।
जिल्ला सरकारी वकिल कार्यालय काठमाडौंका प्रमुख अच्युतमणि न्यौपानेका अनुसार मंगलबार जाहेरी परेपछि सो विषयमा अनुसन्धान गर्न आवश्यक कागजात संकलन सुरु गरिएको हो । जिल्ला प्रशासन कार्यालय, अध्यागमन विभाग र राहदानी विभागबाट एकैसाथ कागजात मगाएर अनुसन्धान थालिएको हो । प्रमाण संकलन भएर पुष्टि भएपछि मात्रै जाहेरी दर्ताका लागि जिल्ला प्रहरी परिसर, काठमाडौंमा पठाइने तयारी भएको प्रमुख न्यौपानेले जानकारी दिए ।
निवर्तमान उपप्रधान तथा गृहमन्त्री लामिछानेले कायम नभएको नागरिकता चलाएको र झुठा विवरण दिएर राहदानी बनाएको भन्दै युवराज पौडेलले जिल्ला प्रहरी परिसरमा जाहेरी दिन खाजे पनि दर्ता नभएपछि सरकारी वकिल कार्यालयमा पुगेर जाहेरी दिएका थिए । माघ १३ गते सर्वोच्च अदालतले प्रक्रिया अनुसार नागरिकता नलिएको भन्दै लामिछानेलाई सांसद बन्न अयोग्य रहेको भन्ने फैसला गरेको थियो ।
शिक्षकहरुमाथी रिसिबी साँध्दै सरकार,आन्दोलनमा सहभागी १५८ शिक्षकको सरूवा
संक्रमणकालीन न्यायसम्बन्धी समानन्तर नागरिक आयोग बनाउने चेतावनी
आज देशका यी स्थानमा चट्याङ्गसहित मध्यम वर्षाको सम्भावना
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
