Birat Post आइतबार, फाल्गुण १४, २०७९ मा प्रकाशित
काठमान्डौं,१४ फागुन ।
सन्दीप लामिछानेका कानून व्यवसायीले ‘पीडित’ का नाममा मनगढन्ते कथा लेखेर अदालतलाई प्रभावित पार्न खोजिएको आरोप लगाएका छन् । आज हुने सुनुवाइमा पनि यो विषयलाई महत्वका साथ उठाउने उनीहरूको तयारी छ ।
उच्च अदालत पाटनले सन्दीपलाई धरौटीमा छाड्ने आदेश दिएपछि उनी राष्ट्रिय टीममा फर्केका थिए । सरकारी पक्षले थुनामै राखेर पुर्पक्ष गर्न माग गर्दै गरेको पुनरावेदन र सन्दीपले आफूमाथि विदेश भ्रमणमा लगाएको रोक हटाउन गरेको निवेदनमाथि आज सुनवाइ हुँदैछ । आज हुनसक्ने सम्भावित फैसला प्रभावित पार्ने हेतु मिडिया ट्रायल भइरहेको सन्दीपका वकिल सरोज घिमिरेले बताए ।
‘विचाराधीन मुद्दामा कुनै पनि मिडियाले यसरी पीडितका नाममा एकपक्षीय विवरण र मनोवाद लेख्न पाउँदैनन्, यो विषयलाई आज हामी अदालतमा बलियोसँग उठाउने छौं,’ उनले भने । अदालतको फैसला नहुँदै बलात्कारीका रूपमा चित्रण गरेर लेख्नेहरूविरुद्ध मानहानीको मुद्दा हाल्नसक्ने पनि उनले चेतावनी दिएका छन् ।
‘आज के आदेश आउँछ, त्यसलाई हेरेर हामी आवश्यक कदम चाल्नेछौं,’ उनले भने । घिमिरेले प्रतिवादीलाई मात्र नभएर वादीलाई पनि मुद्दासँग सम्बन्धित विषयमा अन्तर्वार्ता दिँदै हिँड्ने हक नहुने उल्लेख गरे । सन्दीपले गरेको निवेदनमा पनि आफ्नो व्यक्तिगत गोपनीयताको हक संरक्षण गर्न अपिल गरेका छन् । ‘कुनै पनि मुद्दामा प्रतिवादीका पनि निश्चित अधिकारहरू हुन्छन्, त्यसलाई राज्यले संरक्षण गर्नुपर्छ । आरोप लाग्नासाथ अपराधीको व्यवहार गर्न पाइँदैन,’ उनले भने ।
– केन्द्रबीन्दु
शिक्षकहरुमाथी रिसिबी साँध्दै सरकार,आन्दोलनमा सहभागी १५८ शिक्षकको सरूवा
संक्रमणकालीन न्यायसम्बन्धी समानन्तर नागरिक आयोग बनाउने चेतावनी
आज देशका यी स्थानमा चट्याङ्गसहित मध्यम वर्षाको सम्भावना
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
