featured photo: Birat Post

स्वस्तिका पोखरेल

विराटनगर,३ चैत ।

पुष्पलाल चोक छेउमा रहेको पुल निर्माण कम्पनीको लापर्बाहीका कारण भत्किएपछि स्थानियले सास्ती बेहोरी रहेका छन् । जसका कारण सधै व्यस्त रहने सडकमा हिड्नेहरुले दु:ख पाउने गरेका छन् ।

पुष्पलाल चोक घिनाघाट विराटचोक सडक खण्ड अन्तरगत चालु बाटो भत्किदा अत्यावस्यक कामहरुमा बाधा खडा भएको छ । यो समस्या तत्काल समाधान गर्न माग गर्दै स्थानियहरु आन्दोलित भएका छन् । उनिहरुले स्थानिय बसन्त हुमागाइको संयोजकत्वमा संघर्ष समिति गठन गरेका छन् ।

अध्यक्ष हुमागाईले निर्माण कम्पनी संगै मोरङका प्रमुख जिल्ला अधिकारी तिर्थराज भट्टराईलाई भेटेर तत्काल समस्याको समाधानको उपाय खोज्न आग्रह गरेका छन् । उनले तत्काल डाइभर्सन बनाउनुपर्ने,पुल कहिलेसम्म बन्ने हो त्यो ब्यानर राख्नुपर्ने ,खानेपानिको पायप काटिएकोले तत्काल जोडिनुपर्ने माग सहित आन्दोलनमा उत्रिएको बताएका छन् ।

पुष्पलाल चोक घिनाघाट विराटचोक सडक जोड्ने एकमात्र पुल विग्रिए संगै एम्बुलेन्स र आगोलागी हुदा दमकल लानलाई समस्या पर्ने भएकोले तत्काल डाइभर्सन बनाउन आग्रह गरिएको र यदी त्यो नबनाए निर्माण कम्पनिका सामानहरु कव्जामा लिने संयोजक हुमागाइले बताए ।