featured photo: Birat Post

झापा, १९ असार । ‘एभरेष्ट हाइपर मार्केट’ले आफ्ना ग्राहकका लागि पेट्रोल नि:शुल्क उपलब्ध गराउन शुरु गरेको छ । मार्केट स्थापनाको चौथो बर्ष प्रवेशसंगै ग्राहकलाई नि:शुल्क पेट्रोल उपलब्ध गराउन शुरु गरेको मार्केटका सञ्चालक चान महमदले जानकारी दिए । बाह्रदशी गाउँपालिका– ३ स्थित राजगढ बजारमा रहेको हाइपर मार्केटले टाढाबाट सामान खरिदका लागि आउने ग्राहकलाई मध्यनजर गर्दै यो व्यवस्था लागू गरेको हो । टाढाबाट आउने ग्राहकलाई तीनहजार र नजिकबाट आउने ग्राहकलाई चार हजार रुपैयाँको सामान खरिदमा एक लिटर पेट्रोल नि:शुल्क दिन थालेको छ ।

ग्रामीण क्षेत्रमा रहेर एउटै छानामुनि सबै प्रकारका सामग्री उपलब्ध गराउदै आएको हाइपर मार्केटले सुलभ र गुणस्तरीय सामग्री उपलब्ध गराउँदै आएको छ । औषधि बाहेकका सबै सामग्री एकै ठाउँमा उपलब्धहुने भएपछि ‘एभरेष्ट हाइपर मार्केट’ सबैको रोजाइमा पर्ने गरेको छ । यस अघि ‘सस्तो बजार’ का नामबाट दक्षिणी क्षेत्रका सर्ब साधारणलाई सरल र सुलभ मूल्यमा गुणस्तरीय सामग्री उपलब्ध गराउँदै आएको हाइपर मार्केटले हरेक सामग्री खरिमा विशेष अफरको आयोजना गर्दै आएको छ । घरमा प्रयोग गरिने खाद्यन्य देखि लत्ताकपडासम्मका सामग्रीको खरिदमा विशेष छुट उपलब्ध गराएर जिल्लामै सस्तो सामग्री विक्री केन्द्रका रुपमा चिनिएको छ ।

मार्केट स्थापनाको चार वर्ष प्रवेशसंगै ग्राहकको सुविधालाई मध्यनजर गर्दै पेट्रोल फ्रि गरिएको सञ्चालक महमदको भनाई छ । मार्केटले उपलब्ध गराउदै आएको सेवालाई ग्राहकले औधि मन पराएको र उनीहरुकालागि समेत मार्केटका तर्फबाट उपहार स्वरुप एक लिटर पेट्रोल दिने अभियान सञ्चालन गरेकाहौं – उनले भने ।
त्यसो त रहेक सामग्री खरिदमा कुनै न कुनै छुट सुविधा मार्केटले उपलब्ध गराएकै हुन्छ उनले भने – यस पटक नयाँ सोधका साथ हामीले हाम्रा ग्राहकलाई इन्धन उपलब्ध गराउने निर्णय गरेकाहौ । अब सामग्री खरिदकालागि आउने जो कोहीले पनि पेट्रोल नि:शुल्क पाउनु हुन्छ महमदले भने ।

सम्बन्धित

हाल देशभर मनसुनी वायुको प्रभाव,कहाँ-कहाँ छ भारी वर्षा ?

प्रदुषणले बसिनसक्नु बनाएको भन्दै अशोक मुरारकाको श्रीराम रिफाइन फ्याक्ट्री अगाडि स्थानियको विरोध प्रदर्शन

‘नारदमुनि पवित्रादेवी लुईटेल स्मृति कोष’द्वारा पत्रकार विक्रम निरौला सहित ५ जना सम्मानित

भोजपुर हत्याकाण्ड : मृतक सबैको शव परीक्षणका लागि सदरमुकाम लगियो