Birat Post मंगलबार, आषाढ २६, २०८० मा प्रकाशित
काठमान्डौं,२६ असार ।
नयाँ परिवर्तन अनुसार अब लगइन नगरी ट्वीट हेर्न नपाइने भएको छ । यसको मतलब यो हो कि यदि तपाइँ ट्वीट हेर्न चाहनुहुन्छ भने तपाइँले ट्विटरमा आफ्नो आईडी सिर्जना गर्नु पर्नेछ। एलोन मस्कले यसलाई अस्थायी आपतकालीन उपाय भनेका छन्।
ट्वीटरका मालिक एलोन मस्कले धेरै डाटा लुटिएको र यो सामान्य प्रयोगकर्ताका लागि अपमानजनक सेवा भएको बताए । यस अघि पनि मस्कले ओपन एआई लगायतका अन्य प्लेटफर्महरू प्रति आफ्नो असन्तुष्टि व्यक्त गरिसकेका छन् । उनले भने कि धेरै प्लेटफर्महरूले उनीहरूको डाटाको साथ भाषिक मोडेलहरू तालिम दिन प्रयोग गर्थे। ट्विटरले एप प्रोग्रामिङ इन्टरफेसका लागि थर्ड पार्टी एप्स र रिसर्चर्सलाई पनि चार्ज गर्न थालेको छ।
उता, माइक्रो ब्लगिङ प्लेटफर्म ट्विटरले भिडियो डाउनलोड गर्ने सुविधा जारी गरेको छ । यस फिचर अन्तर्गत नयाँ डाउनलोड भिडियो विकल्प थपिएको छ। अर्थात् ट्विटर प्रयोगकर्ताहरूले कुनै पनि तेस्रो पक्ष एप र साइटको मद्दत बिना नै प्लेटफर्ममा सीधा भिडियोहरू डाउनलोड गर्न सक्षम हुनेछन्।
यद्यपि, यो सुविधा हाल बिटा परीक्षकहरूको लागि जारी गरिएको छ। एप अनुसन्धानकर्ता र ट्विटर प्रयोगकर्ता नीमा ओभजीले पनि यो सुविधाको बारेमा जानकारी दिँदै स्क्रिनसट साझा गरे। प्रयोगकर्ता भन्छन्, ‘ट्विटर भिडियो डाउनलोड बटनमा काम गरिरहेको छ र सिर्जनाकर्ताहरूले यसलाई सक्षम र असक्षम गर्न सक्षम हुनेछन्। यो फिचर छिट्टै रोल आउट हुने दाबी गरिएको छ । हालै भर्खरै ट्विटरले नयाँ भिडियो एप लन्च गर्ने घोषणा गरेको छ।
यस्तै
युट्युबले पार्टनर प्रोग्राम (वाईपीपी)अन्तर्गत मनिटाइज गर्ने प्रक्रिया झनै सहज बनाएको छ । गुगलको स्वामित्वमा रहेको कम्पनीले पार्टनर प्रोग्रामका लागि अर्थात् च्यानल मनिटाइज गरेर आम्दानी गर्नका लागि चाहिने नयाँ प्रावधान सार्वजनिक गरेको हो । साना क्रियटरहरूलाई ध्यानमा राख्दै युट्युबले मनिटाइजेसन पोलिसी अर्थात् च्यानल मनिटाइज गर्ने नियमहरूमा केही परिवर्तन ल्याएको छ ।
कम्पनीले साना क्रिएटरलाई मध्यनजर गर्दै च्यानल मनिटाइज गर्ने नियमलाई केही खुकुलो बनाएको जनाएको छ । अब नयाँ नियमअनुसार च्यानल मनिटाइजेसनका लागि ५०० सब्सक्राइबर भए पुग्नेछ । यस अघि युटट्युव मनिटाइजेसनका लागि १००० सब्सक्राइबर अनिवार्य थियो । यति मात्र होइन च्यानलको वाच आवर पनि घटेको छ । पहिले ४००० भएकोमा अहिले घटाएर ३००० मात्र बनाइएको छ ।
यसका साथै च्यानलको वाच आवर ९भिडिओ हेरेको समय० पनि ४ हजारबाट घटाएर ३००० बनाइएको छ । साथै शर्टस भ्युजको हकमा पनि एक करोड भ्युजबाट ३० लाखमा झारिएको छ । यसले साना क्रियटरलाई आफ्नो च्यानल मनिटाइज गर्नका लागि सहज हुने कम्पनीको विश्वास छ । यो नियम सुरुमा अमेरिका, बेलायत, क्यानडा, ताइवान र दक्षिण कोरियामा लागू हुनेछ । त्यसपछि अन्य देशमा पनि लागू हुने कम्पनीले जनाएको छ ।
तीजको पहिलो दिन आज दर खाइँदै
कांग्रेस र एमाले बीचको सहमति कार्यान्वयनमा शङ्का नगरौँः गृहमन्त्री
सुनसरीमा घर वापसी कार्यक्रम,१५ सय हिन्दूलाई पुनः स्वधर्ममा गरियो स्वागत
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
