featured photo: Birat Post

विराटनगर,१२ भदौ । सन टु हुमन फाउण्डेसनले विराटनगरमा नयाँ दृष्टिकोण वाला शिविरको आयोजना गरेको छ । विराटनगरको सिटी प्यालेसमा आयोजित शिविर मंगलबार बाट शुरु भएको छ ।

तीनदिन सम्म चल्ने यो शिविरमा विराटनगरका ६ सय जना मानिसहरुको सहभागिता रहेको छ । यो शिविर नेपालमा पहिलो पटक भएको हो । शिविरमा प्राचीन ज्ञान ,आधुनिक विज्ञान ,शरिर साथै स्वस्थ्य मनको लागि आनंदित चेतना वारे जानकारी प्रदान गरिने आयोजकको भनाइ छ ।

कार्यक्रममा भारतवाट सुत्रधार राजेश सारडा,कमल मन्त्री , मामैत्री लगायतको उपस्थिती रहेको छ । यसका लागि आवश्यक आहार, सही व्यायाम, सही ध्यानका साथ यूनिवर्सल सूत्र प्रदान गरिने आयोजक समितिका सदस्य आनन्द मारुले जानकारी दिए । शिविरमा ध्यान सकिए पछि सात्विक आहारको व्यवस्था समेत गरिएको छ ।

यस कार्यक्रमलाई सफल वनाउन विराटनगरका उद्योगी तथा समाजसेवी नारायण तापडिया,घनश्याम राठी,राजेश लखौटिया,नन्दु तापडिया, गिरिजा सारडा,शिवरतन जोशी लगायतका व्यक्तिहरु सहभागी भएका छन् । यस शिविरमा कोशी प्रदेशका सांसद भीम पराजुली,पूर्व प्रदेशसभा सांसद जयराम यादव, एमाले नगर अध्यक्ष सागर थापा लगायत विशिष्ट व्यक्तिहरुको सहभागिता रहेको छ ।

केही तस्विरहरु :