Birat Post मंगलबार, मंसिर २६, २०८० मा प्रकाशित
पुस ६ देखि १६ गते सम्म हुने अन्तर्राष्ट्रिय कृषि, पर्यटन तथा औद्योगिक प्रदर्शनी आयोजक संस्था मोरङ व्यापार संघ रहेको छ । संस्थाले एक्स्पो सन्चालनका लागि संघका उपाध्यक्ष अनिल साहलाई संयोजकको जिम्मेबारी दिएको छ । उनी संगै सह संयोजकको जिम्मेवारी अमित सारडा र सन्जय श्रेष्ठले पाएका छन् ।
सुस्ताएको आर्थिक गतिविधिलाई चलाएमान बनाउने उद्देश्यले प्रदर्शनी आयोजना गर्न लागिएको हो । यस कामलाई सफल बनाउन मोरङ व्यापार संघका अध्यक्ष नविन रिजाल आन्तरिक तथा बाह्यरुपमा सक्रिय भएर लागेका छन् । यसै विषयमा केन्द्रित रहेर संयोजक अनिल साह संग विराटपोष्टले गरेको कुराकानीको सार :
एक्पोका लागि तयारी कुन चरणमा पुगेको छ ?
विराटनगरमा पुस ६ गते देखि हुने अन्तर्राष्ट्रिय कृषि, पर्यटन तथा औद्योगिक प्रदर्शनी (मोरङ व्यापार संघ एक्स्पो ) हुदै छ । जसका लागि अधिकांश स्टलहरु वुकिङ भइसकेको छ । प्रतिशतका आधारमा भन्नुहुन्छ भने ८० प्रतिशत स्टल वुकिङ भएको छ । केही स्टलहरु भने आवश्यक व्यवस्थापनकै क्रममा रहेको छ । अहिले एक्स्पो स्थल द्रुतगतिमा निर्माण तथा सजिसजाउ गर्ने काम गरिदै छ ।
पृथकरुपमा केही गर्न खोजिदै छ ?
विगतको भन्दा फरक र आकर्षक स्टलहरू प्रदर्शनीमा राख्ने तयारी गरिएको छ । एक्सपोमा आइफिल टावर, किड्सजोन,सास्कृति तथा स्थानिय जनजातिका खाना,पहाडी क्षेत्रमा उत्पादन हुने सवैखालका सामान ,औद्योगिक उत्पादन लगायतका विभिन्न आकर्षणहरू हुने छन्। खासगरी प्रवेशद्धार अत्यन्तै सुन्दर बन्ने छ । प्रदर्शनी स्थलमा थप कुनै आकर्षण ल्याउन केही गर्न सकिन्छकी भनेर संघका पदाधिकारीहरु वीच पनि छलफल भइरहेको छ ।
आर्थिक मन्दीको शिखरमा पुगेका बेला एक्स्पो गर्दै हुुनुहुन्छ नी ?
सुस्ताएको आर्थिक गतिविधिलाई चलाएमान बनाउने उद्देश्यले प्रदर्शनी आयोजना गर्न लागिएको हो । यस्तो वेलामा निरस हुने काम गर्नु हुन्न । हामी भूकम्प, लामो लोडसेडिङ र कोभिडको मार हुदै अहिले आर्थीक मन्दीको मारलाई समेत सामना गर्दै छौ नी । सवैखाले उत्पादन संग उपभोक्ता जोड्ने हिसावले हामी लागिरहेका छौ ।
मेलामा कुन कुन देशका व्यवसायीहरु आउने भए ? स्टल कस्ता व्यवसायका मानिसले लिएका छन् ?
मेलामा भारत,बंगलादेश र पाकिस्तानका व्यवसायीहरु आउने छन् । नेपालका पहाडी जिल्लाका व्यवसायी ,घरेलु ,कृषिका उद्यमीहरुलाई सहुलियतदरमा स्टल उपलव्ध गराएका छौ । हामीलाई लाग्छ मेला भव्य हुने छ ।
कति मानिसले अवलोकन गर्लान ?
यसपटक मेला आकर्षक हुने छ । यसको मतलव मानिसहरु मेलामा आउछन् भन्ने हाम्रो विस्वास हो । ५ लाख मानिस आउने हाम्रो अनुमान छ । विगत भन्दा केही फरक सेवा सेवाग्राहीहरुलाई हामी दिनेछौ ।
फागुन २१ को मौसम पनि अनुकूल छ, निर्वाचनका निम्ति सुदृढ सुरक्षा व्यवस्था गरेका छौँः गृहमन्त्री अर्याल
दुर्गा प्रसाईंलाई बिनाशर्त रिहा गर्न राप्रपाका अध्यक्ष लिङ्देनको माग
नेपालमा पनि जेलेस्की उत्पादन गर्ने आशंकाकावीच भू-सामरिक राजनीति समेत जनतालाई बुझाउनु पर्छ : महामन्त्री घिमिरे
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
