Birat Post सोमबार, बैशाख १७, २०८१ मा प्रकाशित
विराटनगर,१७ बैशाख ।चिनियाँ लगानीमा विराटनगरमा विद्युतीय गाडी नेपालमै बनाउने सम्झौता भएको छ ।
कोशी एनके मोटर्स र चिनियाँ कम्पनी सिमेन गोल्ड ड्रागन अटो बडी को लिमिटेडबीच सम्झौता भएको हो । शैक्षिक क्षेत्रमा लगानी गरेका टिकाराम पुरीको कम्पनीले नेपालमा गाडी उत्पादन गर्न चिनियाँहरुसंग समझदारी गरेको छ ।
चिनियाँ कम्पनीले लगानी सम्मेलन अवसर पारेर नेपालको कोसी एनके मोटर्ससँगको सहकार्यमा वार्षिक पाँच हजार थान बढी बिजुली गाडी उत्पादन गर्ने सम्झौता गरेको हो ।
नेपालमा चारपांग्रे गाडी उत्पादन गर्ने बताइएको छ । चीनमा भएको सम्झौतामा पहिलो चरणमा ३ अर्ब रुपैयाँ लगानी गर्ने सम्झौता भएको छ ।
सो अवसरमा कम्पनीले प्लान्टका लागि विराटनगरको बूढीगंगामा १५ बिघा जग्गा लिइसकेको पुरीले जानकारी दिए । कम्पनीले १४, १८ र १२ सिटे क्षमताका कमर्सियल गाडी उत्पादन गर्नेछ । पुरी निजी विद्यालयको छाता संगठनका पूर्वअध्यक्षसमेत हुन् ।
आज सीता उत्पत्ति दिवस, रामजानकी मन्दिरहरुमा पूजा आराधना गरीदै
रंगेली अस्पताल अगाडि जेब्राक्रसिङ्ग
१ करोडको अक्षयकोष स्थापना गर्ने प्रेस युनियन कोशी प्रदेशको निर्णय
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
