featured photo: Birat Post

काठमाडौं,१५ जेठ । आगामी आर्थिक वर्षमा कर्मचारीको तलब नबढ्ने भएको छ। सरकारलाई वित्तीय स्रोतको कमी हुने स्पष्ट रहेकाले कर्मचारीको तलब बढाउन सक्ने अवस्था नरहेको अर्थ मन्त्रालय स्रोतले जानकारी दिएको छ।

सरकारले मंगलबार आर्थिक वर्ष २०८१/८२ का लागि बजेट सार्वजनिक गर्दैछ। आज दिउँसो १ बजे संघीय संसदको बैठकमा अर्थमन्त्री वर्षमान पुनले आयव्ययको विवरण प्रस्तुत गर्ने कार्यक्रम छ।

सरकारले यसअघि आर्थिक वर्ष ०७९/८० को बजेटमा सबै सरकारी कर्मचारीको तलब १५ प्रतिशतले वृद्धि गरेको थियो।