Birat Post शुक्रबार, बैशाख २६, २०७७ मा प्रकाशित
विराटनगर २६ बैशाख /
प्रदेश नम्बर १ का आर्थिक मामिला तथा योजना मन्त्री इन्द्रबहादुर आङ्बोले सवैकुराको जिम्मेवारी सरकारले लिन नसक्ने बताएका छन् ।
एलिट क्लब विराटनगरको आयोजनामा शुक्रबार सम्पन्न ‘नेपाली अर्थतन्त्रको भावी कार्यदिशा विषयक अन्तरक्रियामा बोल्दै मन्त्री आङ्बोले यस्तो बताएका हुन् । कोरोनाको यो विपत्तिमा सवैले आ–आफ्नो क्षेत्रवाट जिम्मेबारी बहन गर्न आग्रह गरे । सरकार एक्लैले विपत्तिको सामना गर्न नसक्ने भन्दै उनले सहुलियत र राहतको मात्र कुरा गरेर सरकारको आलोचना नगर्न आग्रह गरे ।
निजी क्षेत्र आफु आफैंमा लडेर सामन्त, नवसामन्त, दलाल र घूसखोर जस्ता आरोप प्रत्यारोपमा उत्रीरहेको भन्दै उनले यस्ता कार्यहरुको संम्वोधन सरकारले गर्न नसक्ने बताए । निजी क्षेत्रकै व्यक्तिहरुको बैङ ,बजार र उद्योग भइरहदा आपसमा समन्वय गर्ने र मिलाउन सक्ने कुरा समेत राज्यले मिलाइदिनु पर्ने भन्दै अर्थमन्त्री आङ्बोले प्रतिप्रश्न गरेका थिए । वैदेशिक रोजगारीबाट फर्किन सक्ने र यही बसेका बेरोजगार युवा लक्षित ग्रामिण कृषि कार्यक्रम ल्याउन आबश्यक पहल भइरहेको उनले बताए ।
विराटनगर महानगरका मेयर भीम पराजुलीले कोभिड–१९ का कारण ठूलो व्ययभार खप्नु परेको र विकास निर्माणका कार्यहरु प्रभावित बन्न पुगेको बताए । उनले संघीय ,प्रदेश र स्थानीय सरकारका कार्यक्रमहरु जनमुखी बन्न आबश्यक रहेको औल्याए । कोरोनाका कारण सिमान्तकृत तथा श्रम गरेर खाने बर्ग सवै बढी प्रभावित भएको भन्दै उनीहरुका लागि सोच्न जरुरी भइसकेको बताए ।
प्रदेश नम्बर १ का प्रदेश योजना आयोगका उपाध्यक्ष सुबोधराज प्याकुरेलले विकासका मोडल परिवर्तन गरेर कार्यक्रम बनाउन आबश्यक भएको बताएका छन् । साना किसानलाई प्रोत्साहन गर्न आबश्यक भएको उनले बताए । अर्थशास्त्री डा. भेषप्रसाद धमलाले जनमैत्री बजेट बनाउन र कार्यान्वयनमा ल्याउन आग्रह गरेका छन् । नेपालमा आर्थिक विकासको क्रान्ति कृषि क्षेत्रवाट गर्न सकिने भन्दै उनले कृषकहरुलाई सहभागिता जनाउने खालका बजेट तथा कार्यक्रम ल्याउन आग्रह गरे ।
क्लवका अध्यक्ष बिश्वनाथ रिजालको अध्यक्षतामा भएको कार्यक्रममा विराटनगर महानगर उपमेयर इन्दिरा कार्की, अर्थशास्त्री खगेन्द्र आचार्य ,उद्योगी तारानाथ निरौला, बरिष्ठ पत्रकार यज्ञ शर्मा,अनन्तराज न्यौपाने ,लिलावल्लभ घिमिरे लगायतको सहभागिता रहेको थियो ।
शिक्षकहरुमाथी रिसिबी साँध्दै सरकार,आन्दोलनमा सहभागी १५८ शिक्षकको सरूवा
संक्रमणकालीन न्यायसम्बन्धी समानन्तर नागरिक आयोग बनाउने चेतावनी
आज देशका यी स्थानमा चट्याङ्गसहित मध्यम वर्षाको सम्भावना
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
