Birat Post बिहिबार, जेठ ०८, २०७७ मा प्रकाशित
विराटनगर ८ जेष्ठ ।
विराटनगर महानगरपालिका भित्रका बैंक तथा वित्तीय संस्थाहरु सन्चालनमा आउने भएका छन् । हरेक दिन बिहान १० बजेदेखि दिउँसो २ बजेसम्म दिनको ४ घण्टा सेवा दिने गरी खोल्ने निर्णय भएको महानगरका मेयर भीम पराजुलीले जानकारी दिए । लकडाउनका कारण पर्न जाने आर्थिक समस्या समाधानका लागि विकल्प सहित व्यवस्थापन गर्न खोजिएको पराजुलीले बताए ।
विहिवार बैंक तथा वित्तीय क्षेत्रका प्रतिनिधिहरुसंग भएको छलफलमा यसखाले निर्णय भएको हो । सेवा प्रबाह र व्यवस्थापन गर्ने विषयमा महानगरका विपद व्यवस्थापन सम्पर्क व्यक्ति राजेन्द्र प्रधान, नेपाल राष्ट्र बैंक विराटनगरका प्रमुख रोशन सिग्देल र बैंकर्स एसोसिएसन विराटनगरका संयोजक निश्चल अधिकारीलाई तोकिएको छ ।
समितिले बैंक खुल्ने समय र व्यवस्थापनको तालिका बनाउने छ । विराटनगरमा २७ वटा वाणिज्य बैंक, ४ वटा फाइनान्स कम्पनी र १० वटा विकास बैंकका शाखा सञ्चालनमा छन् । प्राय धेरै बित्तीय संस्थाहरु एकै ठाउँमा रहेका कारण पालो सिस्टममा व्यवस्थित बनाउने र सामाजिक दुरी कायम राखेर खोल्ने विषयमा तयारी भइरहेको महानगरका विपद व्यवस्थापन सम्पर्क व्यक्ति प्रधानले जानकारी दिए ।
शिक्षक र सरकारबीच ७ बुँदे सहमति,आन्दोलन फिर्ता
विराटनगर महानगरपालिकाद्वारा एकीकृत बालस्वास्थ्य शिविर सञ्चालन
सरकार परिवर्तनको चर्चाबारे सभापतिसंग किन जवाफ मागिन् संग्रौलाले
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
