featured photo: Birat Post

विराटनगर ३१ असार ।
सुनको मूल्य अहिलेसम्मकै उच्च कायम भएको छ । नेपाल सुन चाँदी व्यवसायी महासंघका अनुसार बुधबार छापावाला सुन प्रतितोला ९२ हजार ८०० रुपैयाँ र तेजाबी सुन प्रतितोला ९२ हजार ३६० रुपैयाँमा कारोबार भइरहेको छ । बुधबार डलरको भाउ बढ्दा नेपाली बजारमा सुनको भाउ उच्च रूपमा बढेको हो । तोलामा ६०० रुपैयाँले बढेर सुनको मूल्यले नयाँ रेकर्ड कायम गरेको हो ।

यसैगरी चाँदीको मूल्यमा पनि नयाँ रेकर्ड कायम भई प्रतितोला एक हजार पाँच रुपैयाँ पुगेको छ । केहि समयदेखि निरन्तर उकालो लागेको चाँदीको मूल्य तोलामा १० रुपैयाँले वृद्धि भएको छ ।