featured photo: Birat Post

काठमान्डौ १८ साउन ।
कोराना संक्रमणका कारण फोक्सोमा जटिल समस्या आए संगै विराटनगरबाट काठमान्डौ लगिएका एक व्यक्तिमा प्लाज्माथेरापी विधिबाट उपचार गरिएको छ । त्रिवि शिक्षण अस्पतालमा उपचाररत ती व्यक्तिमा फोक्सोमा जटिल समस्या देखिएको थियो । भेन्टिलेटरमा राखेर उपचार भइरहेको उनको स्वास्थ्य अवस्था खस्कदै गए संगै थप उपचार बिधि अवलम्बन गरिएको थियो ।

६५ वर्षीय संक्रमित ती व्यक्तिलाई कोरोना संक्रमणबाटै निको भएका एक युवकले प्लाज्मा दिएका थिए । अस्पतालको कोभिड—१९ व्यवस्थापन स्रोतका अनुसार ती व्यक्तिलाई एण्टीभाइरल रेम्डिसिभिर चलाइएको थियो तर त्यसबाट सुधार नभए संगै प्लाज्माथेरापी गरिएको हो । प्लाज्माथेरापी गरे संगै उनको स्वास्थ्यमा सुधार आएको छ । स्वास्थ्यमा सुधार हुदै आए पछि थप जोखिमबाट उनी बचेका छन् ।

प्लाज्मा थेरापी कुनै पनि रोगविरुद्धको प्रतिरोधी क्षमता (एन्टिबडी) विकास भएका मानिसको रगतमा भएको प्लाज्मा बिरामीको शरीरमा पठाईन्छ । कोरोना लागेर निको भएका ती व्यक्तिको प्लाज्मा बिरामीलाई प्रदान गरिएको छ । यो विधिलाइ नेपालमा पहिलो पटक प्रयोग गरिएको छ । नेपालमै कोभिड १९ संक्रमितको कन्भालेसेन्ट प्लाज्मा थेरापी विधिबाट उपचार पाउने व्यक्ति समेत विराटनगरकै भएका छन् ।