featured photo: Birat Post

विराटनगर २३ भदौ ।
प्रदेश १ मा आज ८० जना कोरोना संक्रमित थपिएका छन् । प्रयोगशालाहरुमा १ हजार ६ सय १५ जनाको नमुना परीक्षण गर्दा ३६ महिला र ४४ पुरुषमा संक्रमण पुष्टि भएको हो ।

जसमध्ये २२ जना मोरङका संक्रमित रहेका छन् । मोरङको विराटनगरका ६ पुरुष, ११ महिला,बुढिगङ्गाकी १ महिला, ग्रामथानका १ र रतुवामाईका ३ पुरुषमा संक्रमण पुष्टि भएको छ ।

यस्तै सुनसरी इटहरीका ८ पुरुष, १० महिला, दुहवीका ८ पुरुष, ४ महिला,कोशी गापाका १ पुरुष, २ महिला, गढि, रामधुनी, इनरुवा र धरानका १–१ पुरुष गरी ३७ जना, झापा दमकका ४ पुरुष, २ महिला, गौरीगञ्जका १ पुरुष, १ महिला, शिवसताक्षीका १ पुरुष, २ महिला, विर्तामोडका १ पुरुष, १ महिला, बाह्रदशी, मेचिनगर र कनकाईका १–१ पुरुष गरी १६ जना, इलाम र उदयपुरका १–१ महिला, ओखलढुङ्गाका २ पुरुष र अन्य जनकपुरका १ पुरुषको रिपोर्ट पोजेटिभ आएको छ । यससँगै प्रदेश एकमा कोरोना संक्रमितको संख्या ४ हजार २ सय ५७ पुगेको सामाजिक विकास मन्त्रालयले जनाएको छ ।

यस्तै प्रदेश एकमा आज १६ जना संक्रमित उपचारपछि निको भएर घर फर्किएका छन् । यससँगै हालसम्म डिस्चार्ज हुनेको संख्या १ हजार ९ सय १२ पुगेको छ । प्रदेश १ मा सक्रिय संक्रमितको संख्या २ हजार ३०२ रहेको छ ।

प्रदेश १ मा हालसम्म ११ महिला र ३२ पुरुष गरी ४३ जनाको मृत्यु भइसकेको छ ।