featured photo: Birat Post

काठमाडौं ५ असोज ।
आज नेपालमा एकैदिन थप ११ सय ५४ जनामा कोरोना भाइरसको संक्रमण पुष्टि भएको छ । देशभरका प्रयोगशालामा ९ हजार ५३३ नमुना परीक्षण गर्दा ११५४ जनामा संक्रमण पुष्टि भएको हो ।

स्वास्थ्य तथा जनसंख्या मन्त्रालयले नियमित प्रेस ब्रिफिङ मार्फत नेपालमा कोरोना संक्रमितको कुल संख्या ६५ हजार २७६ पुगेको जानकारी दिएको छ ।

यस्तै आज थप १ हजार ५ जना संक्रमित निको भएर घर फर्किएका छन् । योसँगै डिस्चार्ज हुनेको कुल संख्या ४७ हजार २३८ पुगेको छ । देशभर सक्रिय संक्रमितको संख्या १७ हजार ६११ रहेको छ ।

थप १६ जनाको मृत्यु भएसँगै कोरोना भाइरसका कारण नेपालमा मृत्यु भएकाहरुको संख्या ४२७ पुगेको छ ।