featured photo: Birat Post

काठमाडौं ८ असोज ।
आज नेपालमा थप १४ सय ९७ जनामा कोरोना भाइरसको संक्रमण पुष्टि भएको छ । देशभरको प्रयोगशालामा ११ हजार ४४९ नमुना परीक्षण गर्र्दा १४९७ जनामा संक्रमण पुष्टि भएको हो ।

स्वास्थ्य तथा जनसंख्या मन्त्रालयले नियमित प्रेस ब्रिफिङ मार्फत नेपालमा कोरोना संक्रमितको कुल संख्या ६९ हजार ३०१ पुगेको जानकारी दिएको छ ।

यस्तै आज थप ४ सय ५७ जना संक्रमित निको भएर घर फर्किएका छन् । योसँगै डिस्चार्ज हुनेको कुल संख्या ५० हजार ४११ पुगेको छ । देशभर सक्रिय संक्रमितको संख्या १८ हजार ४३७ रहेको छ ।

थप १७ जनाको मृत्यु भएसँगै कोरोना भाइरसका कारण नेपालमा मृत्यु भएकाहरुको संख्या ४५३ पुगेको छ ।