featured photo: Birat Post

काठमाडौं २४ असोज ।
आज नेपालमा थप ५ हजार ८ जनामा कोरोना भाइरसको संक्रमण पुष्टि भएको छ । यो अहिले सम्मकै उच्च संक्रमण हो । देशभरका प्रयोगशालामा १९ हजार ३२० नमुना परीक्षण गर्दा एकैदिन ५,००८ जनामा संक्रमण पुष्टि भएको हो ।

स्वास्थ्य तथा जनसंख्या मन्त्रालयले नियमित प्रेस ब्रिफिङ मार्फत नेपालमा कोरोना संक्रमितको कुल संख्या १ लाख ५ हजार ६ सय ८४ पुगेको जानकारी दिएको छ ।

यस्तै आज थप १२ सय २९ जना संक्रमित निको भएर घर फर्किएका छन् । यो सँगै डिस्चार्ज हुनेको कुल संख्या ७४ हजार २५२ पुगेको छ । देशभर सक्रिय संक्रमितको संख्या ३० हजार ८१८ रहेको छ ।

थप १४ जनाको मृत्यु भएसँगै कोरोना भाइरसका कारण नेपालमा मृत्यु भएकाहरुको संख्या ६१४ पुगेको छ ।