featured photo: Birat Post

काठमाडौं ९ कार्तिक ।
आज थप २ हजार ८५६ जनामा कोरोना भाइरसको संक्रमण पुष्टि भएको छ । देशभरका प्रयोगशालामा १२ हजार ३११ नमुना परीक्षण गर्दा २८५६ जनामा संक्रमण पुष्टि भएको हो । स्वास्थ्य तथा जनसंख्या मन्त्रालयका अनुसार नेपालमा कोरोना संक्रमितको कुल संख्या १ लाख ५८ हजार ८९ पुगेको छ ।

यस्तै आज थप ३३ सय ३६ जना संक्रमित निको भएर घर फर्किएका छन् । यो सँगै डिस्चार्ज हुनेको कुल संख्या १ लाख ११ हजार ६७० पुगेको छ । देशभर सक्रिय संक्रमितको संख्या ४५ हजार ५७२ रहेको छ । थप ५ जनाको मृत्यु भएसँगै कोरोना भाइरसका कारण नेपालमा मृत्यु भएकाहरुको संख्या ८४७ पुगेको छ ।