featured photo: Birat Post

काठमान्डौ २ पुष ।
गत वर्ष चैत ११ गतेदेखि कोरोना भाइरसका कारण बन्द गरिएको पशुपतिनाथमा भक्तजनको ओइरो लागेको छ । लामो समय देखी दर्शन गर्न नपाएका भक्तजनहरुको भीड बढेको हो ।

पुष १ गतेबाट पशुपति खुला गरिएको छ । भक्तजनलाई दुई मिटरको दूरीमा लाममा राखी दर्शन गर्ने व्यवस्था मिलाइएको छ । भक्तजनले अनिवार्यरूपमा मास्क लगाउनुपर्ने व्यवस्था गरिएको कोषले जनाएको छ । हाललाई मन्दिरको पश्चिम ढोकाबाट प्रवेश गरी दर्शनपछि पनि सोही ढोकाबाट फर्कने व्यवस्था मिलाइएको छ ।

भाकल गर्ने र स्थानीय धर्मानुरागीहरु बढी आएको कोषका सदस्य सचिव डा प्रदीप ढकालले जानकारी दिए । मङ्गलबार राष्ट्रपति विद्यादेवी भण्डारीले क्षमासहित विशेष पूजा गरेकी थिइन् । लामो समय देखी आस्थाको धरोहर बन्द गराएको भन्दै हिन्दुवादी विभिन्न संघ संगठनहरुले पशुपति खुलाउनुपर्ने माग राख्दै विरोधका कार्यक्रम गर्दै आएका थिए ।

सम्बन्धित

आश्विन शुक्ल अष्टमी र नवमी पर्व आज मनाइदै

यस वर्षको मनसुन बाहिरिदै,दसैँ घमाइलो हुने सम्भावना

आश्विन शुक्ल पञ्चमी : स्कन्दमाताको पूजा आराधना गरिँदै

बडादशैँ शुरु, यस्तो छ घटस्थापनाको शुभ साइत