featured photo: Birat Post

विराटनगर २८ फाल्गुन ।
एनएमबी बैंकले विराटनगर–११ स्थित सब्जी, फलफूल तथा गुद्री बजारमा ‘क्युआर कोड’ सेवा विस्तार गरेको छ । देशभरका बिभिन्न स्थानमा रहेका सब्जी मण्डिमा क्युआर कोड सेवाका् सुरुवात गर्ने लक्ष्यका साथ एनएमबीले विराटनगरमा शुक्रबारदेखि सेवा शुरु गरेको हो । शुक्रबार राष्ट्र बैंकका गभर्नर महाप्रसाद अधिकारीले हरियो तरकारी खरीद गरी नगद रहित कारोवारको शुरुबात गरेका थिए ।

उनले यो कार्यबाट रकमको सुरक्षा सहित झण्डझट नहुनका साथै पारदर्शी हुने बताए । आधुनिक बजार बिस्तारका लागि क्युआर कोड फलदायी हुने बताए । एनएमबी बैंकका प्रमुख कार्यकारी अधिकृत सुनील केसीले मुलुकलाई समृद्ध बनाउन नेपाल सरकारको नीति अनुसार महिला उद्यमीहरुलाई विना धितो चार प्रतिशत व्याजदरमा ऋण बैंकका १८० शाखामार्फत प्रदान गरिरहेको जानकारी दिए ।

गुद्री बजार व्यवस्थापन समितिका अध्यक्ष पशुपति भगतले विद्युतीय कारोवारले यस क्षेत्रका व्यापार व्यवसायमा सहजता प्रदान गर्ने विश्वास ब्यक्त गरे । कार्यक्रममा विराटनगर महानगर वडा नं ११ अध्यक्ष तीर्थेन्द्र न्यौपाने, वैंकका प्रदेश प्रमुख उत्सव घिमिरे, वैंकका व्यवसाय शाखा प्रमुख चित्रबहादुर न्यौपाने लगायतको सहभागिता रहेको थियो ।

सम्बन्धित

नेपालले चाहेर पनि भारु ५०० भन्दा माथिका नोट चलाउनसक्ने अवस्था छैनः अर्थमन्त्री पौडेल

देशका यी स्थानमा भारी वर्षाको सम्भावना

पूर्वाञ्चल विश्वविद्यालयमा अनुसन्धानात्मक लेख लेखन तथा प्रकाशन सम्बन्धी तालिम

स्मृति स्कुलले मनायो धान दिवस (फोटोहरू)