featured photo: Birat Post

विराटनगर १७ चैत्र। नेपाल पत्रकार महासंघ प्रदेश-१ को नवनिर्मित भवनको उद्घाटन गरिएको छ । विराटनगर स्थित-५ मा रहेको भवनको प्रदेश १ का मुख्यमन्त्री शेरधन राईले उद्घाटन गरेका छन् । महासंघको नवनिर्मित भवन ७६ लाखको लागतमा निर्माण सम्पन्न भएको हो । कार्यक्रममा बोल्दै मुख्यमन्त्री राइले संघीयताको फराकिलो बनावटवाट सोच्ने र देशको विकासमा जुट्ने बेला आएको बताएका छन् । संघीयताकै उपलब्धि प्रदेश पत्रकार महासंघको स्थापना र अहिलेको प्रारुप बनेको मुख्यमन्त्री राइले बताए ।

संघीयताको उपलब्धी रक्षाका लागि जुट्न पनि पत्रकारहरुलाई मुख्यमन्त्री राइले आग्रह गरे । कार्यक्रममा आन्तरिक मामिला तथा कानुनमन्त्री हिक्मतकुमार कार्कीले पत्रकारितालाई व्यवस्थित र मर्यादित बनाउन सवैको भुमिका आबश्यक रहने औल्याए । विराटनगर महानगरपालिकाका मेयर भीम पराजुलीले महानगरले उपलब्ध गराएको जग्गामा बनेको भवनले प्रदेश पत्रकार महासंघको गरिमा उच्च बनाएको बताए । यस संगै विराटनगरमा यो भवन बन्नु सुखद रहेको भन्दै मेयर पराजुलीले यसको श्रीवृद्धीमा सहयोग गरिरहने बताए ।

पत्रकार महासंघ प्रदेश १ का अध्यक्ष बिक्रम लुइटेलको अध्यक्षतामा भएको कार्यक्रममा नेपाल पत्रकार महासंघका केन्द्रीय अध्यक्ष गोविन्द आचार्यले ,प्रादेशिक सञ्चार प्रतिष्ठानका निर्देशक यज्ञ शर्मा प्रदेश १ ,प्रदेश १ पत्रकार महासंघका उपाध्यक्ष सोमनाथ सुसेली लगायतको सहभागिता रहेको थियो । कार्यक्रममा मेरो पत्रकारिता पुस्तक समेत विमोचन गरिएको थियो । ३४ जनाको अनुभव पुस्तकमा समेटिएको छ ।