featured photo: Birat Post

विराटनगर २३ चैत्र ।
प्रदेश–१ प्रदेश सरकारप्रतिको अविश्वास प्रस्ताव आज फिर्ता भएको छ । प्रदेशसभाको सातौँ एवं हिउँदे अधिवेशनको चौथो बैठकमा संविधनको धारा १८८(४) तथा प्रदेशसभा नियमावली, २०७४ को नियम १२९ (१) बमोजिम दर्ता भएको प्रदेश नं १ को मुख्यमन्त्री शेरधन राई विरुद्धको अविश्वासको प्रस्ताव फिर्ता भएको सभामुख प्रदीपकुमार भण्डारीले जानकारी दिए ।

अविश्वासको प्रस्तावको समर्थक एवं नेकपा माओवादी केन्द्रका संसदीय दलका नेता इन्द्रबहादुर आङ्बोले सरकारप्रतिको अविश्वासको प्रस्ताव फिर्ता लिए पनि राजनीतिक क्रान्तिका बाटाहरु समाप्त नभएको बताए । अविश्वासको प्रस्तावको समर्थक बसेका राजेन्द्रकुमार राईले राजनीतिक स्थिति परिवर्तन भएकाले अविश्वासको प्रस्ताव फिर्ता लिएको जानकारी दिए ।

प्रस्ताव र समर्थक दुवै जनाले सरकारले अहिलेसम्म प्रदेशको नामकरण गर्न नसकेको, बजेट पारित भएसँगै खर्च कटौती गरेको, नयाँ योजना नल्याएको र पुरानै योजनाको भुक्तानी गर्न नसकेको प्रति सरकारको आलोचना गरेका छन् । प्रदेशसभाको अर्को बैठक यही चैत २६ गते २ः ०० बजे बस्ने बताइएको छ ।

सम्बन्धित

खोटाङ र संखुवासभामा भएको आगोलागीबाट लाखौको क्षती

प्रदेश १ को प्रदेशसभा बैठक अवरुद्ध

विशेषज्ञहरुका अनुसार कोरोना संक्रमणको गति निकै नै तेज, तीन दिनमै फोक्सो ७० प्रतिशतसम्म संक्रमित

बम विस्फोटमा संलग्न रहेको आशंकामा गोइत समुहका एक युवक पक्राउ