Birat Post शुक्रबार, बैशाख १७, २०७८ मा प्रकाशित
विराटनगर, १७ बैशाख ।
मोरङमा निषेधाज्ञा जारी हुने भएको छ । कोरोना संक्रमणको जोखिम बढ्दै गएपछि जिल्ला प्रशासन कार्यालय मोरङले यस विषयमा तदारुकता लिएको हो ।निषेधाज्ञाका विषयलाई लिएर शुक्रबार दिउसो देखि सरोकारवालाहरु संगको बैठक चलिरहेको छ । निषेधाज्ञा कुन चरणसम्म गर्ने र व्यवस्थापन कसरी गर्ने भन्ने विषयमा वैठक केन्द्रीत रहेको मोरङका प्रमुख जिल्ला अधिकारी कोषहरि निरौलाले जानकारी दिए ।
वैठकमा विराटनगर महानगरका मेयर भीम पराजुली,जिल्ला समन्वय समिति मोरङका अध्यक्ष नरेश पोखरेल,मोरङका प्रहरी प्रमुख सन्तोष खड्का,कोशी अस्पतालका मेडिकल सुपरिटेन्डेन्ट चुमनलाल दास लगायत सरोकार सम्वन्ध संस्थाका प्रतिनिधिहरुको सहभागिता रहेको बुझिएको छ । बैठकको आधिकारिक निर्णय भने शुक्रबार साझ सम्म आउने बताइएको छ ।
यद्यपी सूचना स्रोतका अनुसार भोली शनिबार एक दिन छोडेर आइतवार देखि निषेधाज्ञा जारी हुन सक्ने बताइएको छ । एक दिनको समय भने आम नागरिकको सहजताका लागि छाडिने बताइएको छ । यस भन्दा अगाडी विराटनगर महानगरले बिहिबारनै प्रमुख जिल्ला अधिकारीलाई निषेधाज्ञा वा लकडाउन गर्न आग्रह समेत गरेको थियो ।
रौतहटमा स्कारपियो दुर्घटना हुँदा ८ जनाको मृत्यु, पाँच जना घाइते
सहकारी ठगीमा रवि र छविलाई वीरगञ्जमा बयान लिइँदै
देशभर पश्चिमी वायुको प्रभाव, तराई तथा उपत्यकामा हुस्सु
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
