featured photo: Birat Post

विराटनगर, ३० भदौ ।
सुनसरीको इटहरीबाट लागुऔषध ब्राउन सुगर सहित दुई जनालाई पक्राउ गरेको छ । पक्राउ पर्नेमा एक जना भारत बिहारका २२ वर्षीय सुरज साह र झापाको गौरीगन्ज गाउँपालिका–१ का २७ वर्षीय आइतबारी हस्दालाई पक्राउ गरिएको सुनसरी प्रहरी प्रमुख एसपी सञ्जयसिंह थापाले बताए ।

उनीहरुको साथबाट १३ ग्राम ब्राउन सुगर फेला परेको एसपी थापाले बताए । उनका अनुसार इलाका प्रहरी कार्यालय इटहरीबाट खटिएको टोलीले पैदल हिँडिरहेका दुवै जनालाई इटहरी उपमहानगरपालिका–४ बाट पक्राउ गरेको हो । दुवै जनाविरुद्ध लागुऔषध ऐनअन्तर्गत मुद्दा चलाउन अदालतबाट म्याद थप गरेर बाँकी अनुसन्धान सुरु गरिएको जानकारी एसपी थापाले दिए ।