Birat Post शनिबार, बैशाख २०, २०७७ मा प्रकाशित
विराटनगर २० बैशाख /
विराटनगर महानगरपालिकाले कोशी अस्पताललाई स्वाब बुथ हस्तान्तरण गरेको छ । यस अघि महानगरले अस्पताललाई औषधि छर्कने र खाना बोक्ने रोबर्ट प्रदान गरेको थियो । यस्तै मेयर भीम पराजुलीले कोशी अस्पतालको पीसीआर ल्याबको स्तरोन्नतीका लागि १० लाख रकम उपलब्ध गराउने समेत बताएका छन् । कोभिड १९ उपचार तथा परीक्षणका लागि आवश्यक पर्ने किटको अभाव नहोस भन्ने उदेश्यका साथ महानगरले उक्त रकम प्रदान गर्न लागेको मेयर पराजुलीले जानकारी दिए ।
अस्पतालकी निमित्त मेडिकल सुप्रिटेन्डेन्ट डा.संगीता मिश्राले कोरोना परीक्षणका लागि किट अभाव हुदै गएको बताइन् । किट अभाव हुन नदिन आबश्यक पहल भइरहेको उनको भनाइ थियो । महानगरले उपलब्ध गराएको स्वाब बुथबाट स्वास्थ्यकर्मीलाई काम गर्न सजिलो हुने बताइन् ।सवैक्षेत्रवाट भएको सहयोगका कारण कोरोना सक्रमणमा खटिएका डाक्टर तथा कर्मचारीको हौसला बढिरहेको बताइन् ।
महानगरले पनि कोरोनाको शंकास्पद विरामीको परीक्षणमामा स्वाब बुथ फलदायी हुने अपेक्षा गरेको छ । पीपीइ सेटको समेत आबश्यकता नपर्ने हुदा चिकित्सकहरुलाई सहज हुने छ । हस्तान्तरणका क्रममा विराटनगर महानगरका स्वास्थ्य महाशाखा प्रमुख रमेश कार्की ,सामुदायीक विकास शाखा प्रमुख पुनम दाहाल लगायतको सहभागिता रहेको थियो ।
सामाजिक सञ्जाल बन्द गर्ने सरकारको निर्णयविरुद्ध सर्वोच्चमा रिट
झुम्का कारागारमा सयभन्दा बढी कैदी बिरामी,पछिल्लो १२ दिनदेखि देखियो स्वास्थ्य समस्या
दर्ता नभएका २६ सामाजिक सञ्जाल निष्क्रिय पार्न इन्टरनेट सेवा प्रदायकलाई प्राधिकरणको पत्र
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
