featured photo: Birat Post

विराटनगर २९ भदौ ।
प्रदेश १ मा आज ८७ जना कोरोना संक्रमित थपिएका छन् । प्रयोगशालाहरुमा १ हजार ४ सय ८३ जनाको नमुना परीक्षण गर्दा १५ महिला र ७२ पुरुषमा संक्रमण पुष्टि भएको हो ।

जसमध्ये ५५ जना मोरङका संक्रमित रहेका छन् । मोरङको विराटनगरका १३ पुरुष, १ महिला, बुढीगंगाका ८ पुरुष, ५ महिला, कटहरीका १३ पुरुष, २ महिला,ग्रामथानका ५ पुरुष, २ महिला, जहदाका १ पुरुष, रतुवामाइका ३ पुरुष र ठेगाना नखुलेका १ पुरुष, १ महिलामा संक्रमण पुष्टि भएको छ ।

यस्तै सुनसरी इनरुवाका १३ पुरुष, १ महिला, धरानका २ पुरुष, २ महिला, भोक्राहा र इटहरीका २–२ पुरुष, दुहवी र ठेगाना नखुलेका १–१ पुरुष गरी २४ जना, झापाका १ पुरुष, १ महिला, उदयपुरका १ पुरुष , अन्य लहानका ३ पुरुष, सिराहा र राजविराजका १–१ पुरुषको रिपोर्ट पोजेटिभ आएको छ । यससँगै प्रदेश एकमा कोरोना संक्रमितको संख्या ४ हजार ८ सय २९ पुगेको सामाजिक विकास मन्त्रालयले जनाएको छ ।

आज १५ जना उपचारपछि निको भएर घर फर्किएका छन् । यससँगै हालसम्म डिस्चार्ज हुनेको संख्या २ हजार ७८ पुगेको छ भने प्रदेशमा सक्रिय संक्रमितको संख्या २ हजार ७०२ रहेको छ ।

प्रदेश १ मा हालसम्म १३ महिला र ३६ पुरुष गरी ४९ जनाको मृत्यु भइसकेको छ ।

सम्बन्धित

देशका यी स्थानमा भारी वर्षाको सम्भावना

पूर्वाञ्चल विश्वविद्यालयमा अनुसन्धानात्मक लेख लेखन तथा प्रकाशन सम्बन्धी तालिम

स्मृति स्कुलले मनायो धान दिवस (फोटोहरू)

मेयर र उपमेयरबीचको विवाद : धरान उपमहानगरपालिका तनावग्रस्त