Birat Post शनिबार, आश्विन १७, २०७७ मा प्रकाशित
विराटनगर १७ असोज ।
प्रदेश १ मा आज २५५ जना कोरोना संक्रमित थपिएका छन् । सुनसरीमा १२२, मोरङमा १०२, झापामा ६, उदयपुरका ५, खोटाङका ४, ओखलढुङ्गा र संखुवासभाका ३–३, धनकुटाका १ र प्रदेश १ बाहिरका ९ जना रहेको सामाजिक विकास मन्त्रालयले जनाएको छ ।
सुनसरीको धरानमा ४८ महिला, ५० पुरुष, दुहवीमा ३ महिला, ६ पुरुष, इटहरीमा १ महिला, ७ पुरुष, रामधुनी, बर्जु र बराह क्षेत्रमा १–१ महिला र स्थानिय तह नखुलेका ४ पुरुषको रिपोर्ट पोजेटिभ आएको हो ।
मन्त्रालयका अनुसार मोरङको विराटनगरमा ३१ महिला, ५६ पुरुष, सुनवर्षीमा ४ महिला, १ पुरुष, ग्रामथानमा १ महिला, ३ पुरुष, कटहरीमा २ पुरुष, धनपालथानमा १ पुरुष, उर्लाबारी, कानेपोखरी र रतुवामाईका १–१ महिला, झापाको दमकमा १ महिला, १ पुरुष, गौरादह, अर्जुनधारा, कमल गापा र स्थानिय तह नखुलेका १–१ पुरुष, उदयपुरका ५ पुरुष, खोटाङका ४ पुरुष, संखुवासभाका १ महिला, २ पुरुष, धनकुटाका १ पुरुष, प्रदेश १ बाहिरका ९ पुरुषमा संक्रमण देखिएको छ ।
यस सँगै प्रदेश १ मा कोरोना संक्रमितको संख्या ७ हजार ४३२ पुगेको छ । प्रदेशमा सक्रिय सङ्क्रमितको सङ्ख्या ३ हजार ६२८ रहेको छ । आज झापाकी १ महिला र सुनसरीका १ पुरुष, १ महिलाको मृत्यु भएसँगै ज्यान गुमाउनेको सङ्ख्या ७९ पुगेको छ ।
प्रदेश १ बाट आज २ सय ८७ जना डिस्चार्ज भएका छन् । होम आइसोलेसनबाट २६३, विपी कोइराला स्वास्थ्य विज्ञान प्रतिष्ठान धरानबाट ९, वि.जि अस्पताल हरीनगरबाट ९, गढी आइसोलेसन केन्द्र सुनसरीबाट ५ र होटल एसियाटेक विराटनगरबाट १ जना डिस्चार्ज भएका छन् । यस सँगै हालसम्म डिस्चार्ज हुनेको संख्या ३ हजार ७२५ पुगेको छ ।
प्रदेश १ मा आज १२ सय ९ जनाको पीसीआर परीक्षण गरिएको छ । परीक्षण गरिएकामध्ये ९६ महिला र १५९ पुरुषको रिपोर्ट पोजेटिभ आएको छ । हालसम्म १ लाख २६ हजार ८९० जनाको पीसीआर परीक्षण भएको सामाजिक विकास मन्त्रालयले जनाएको छ ।
सामाजिक सञ्जाल बन्द गर्ने सरकारको निर्णयविरुद्ध सर्वोच्चमा रिट
झुम्का कारागारमा सयभन्दा बढी कैदी बिरामी,पछिल्लो १२ दिनदेखि देखियो स्वास्थ्य समस्या
दर्ता नभएका २६ सामाजिक सञ्जाल निष्क्रिय पार्न इन्टरनेट सेवा प्रदायकलाई प्राधिकरणको पत्र
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
