Birat Post आइतबार, जेठ २२, २०७९ मा प्रकाशित
विराटनगर,२२ जेठ/
विश्व वातावरण दिवसको अवसरमा आइतबार विराटनगरमा साइकल ¥याली, सरसफाई र वृक्षारोपण गरिएको छ ।प्रदेश–१ को वातावरण तथा भूसंरक्षण मन्त्रालय, दिगो विकास, नेपाल इन्भाइरोमेन्ट सोसाइटीलगायतका संस्थाहरूसँगको सहकार्यमा विराटनगर महानगरपालिकाले साइकल ¥याली, वृक्षारोपण र सरसफाई कार्यक्रम गरेको हो ।
विराटनगरस्थित हिमालय रोडबाट सुरु भएको साइकल ¥याली शनिमन्दिर, बिजुली अफिस, मुनालपथ, सोमबारेहाट हुँदै महानगरपालिका परिसरमा पुगेर समापन भएको थियो ।
साइकल ¥यालीको विराटनगर महानगरपालिकाका मेयर नागेश कोइरालाले शुभारम्भ गरेका थिए । मुनालपथमा सरसफाई गरिएको थियो भने विराटनगर वडा नम्बर २ को सोमबारे हाटमा वृक्षारोपण गरिएको थियो । सो अवसरमा मेयर कोइरालासहित उपमेयर शिल्पा निराला कार्की, प्रमुख प्रशासकीय अधिकृत उमेश बस्नेत, विराटनगर वडा नम्बर २ का वडाध्यक्ष कुमार पोखरेललगायतले वृक्षारोपण गरे ।
साइकल ¥यालीको समापन समारोहलाई सम्बोधन गर्दै मेयर कोइरालाले विराटनगरमा साइकल लेनको आवश्यक भए पनि स्थान अभाव रहेको बताए । हाल सञ्चालनमा रहेका सडकमा साइकल लेन बनाउँदा साँघुरो हुने बताउँदै उनले अन्य विकल्प खोज्नुपर्नेमा जोड दिए । “सञ्चालनमा रहेका अहिलेका सबै सडक छुट्टै साइकल लेन बनाउनका लागि उपयुक्त छैनन्,” कोइरालाले भने, “अन्य विकल्प खोज्नुपर्छ, मैले चुनावमा प्रतिबद्धता पनि जनाएको थिएँ, केसलिया र सिंघिया खोलामा तटबन्ध बनाउने । अब त्यहाँ बन्ने सडकमा साइकल लेन बनाउनुपर्छ ।”
सास्थम कलेज विराटनगरद्वारा विएचएम र विविएका विद्यार्थीहरुको बिदाई
भारत-पाकिस्तान द्वन्द्वले सीमा क्षेत्रमा हाई अलर्ट, नेपाली भूमिमा समेत भारतीय निगरानी बढ्दो
अबैध रुपमा बंगलादेशी नागरिक नेपाल आइरहेको खुलासा
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
