Birat Post आइतबार, फाल्गुण ०७, २०७९ मा प्रकाशित
विराटनगर,७ फाल्गुन ।
नेपाल विद्वत परिषदले प्रजातन्त्र खतरामा परेको निष्कर्ष निकालेको छ । हिन्दू तथा राजसंस्था अपरिहार्यतका विषयमा उठान गर्दै आइरहेको परिषदले यस्तो निष्कर्ष निकालेको हो । आइतबार विराटनगरमा आयोजित एक कार्यक्रममा बोल्दै परिषदका केन्द्रीय अध्यक्ष जीतबहादुर अज्र्यालले राजा त्रिभूबन शाहको सहयोगमा स्थापित प्रजातन्त्र खतरामा परेको बताए ।
शाह बंशहरु राजा त्रिभूबन हुदै राजा महेन्द्र र वीपीको मेलमिलापको नीति हुदै शान्तिबादी राजा बिरेन्द्र शाहले खेलेको भुमिका प्रति देशी ,विदेशी तत्वलाई मन नपरेको बताए । त्यही कारण दरबार हत्याकाण्ड देखिका विभिन्न प्रपन्चका घटना नेपालमा घटिरहेको बताए । राजा ज्ञानेन्द्र शाहको जनप्रेम र देशप्रेमका कारण देशमा शान्ति स्थापना भएको भन्दै उनले जनधनको क्षति रोकिएको बताए । दलका केही नेताहरु राजा संगको सहमति तोडेर जनभावना विपरित काम गरिरहेको आरोप अज्र्यालले लगाए ।
यस्तै नेपाल विद्वत परिषदका केन्द्रीय उपाध्यक्ष तथा पूर्वाञ्चल संयोजक बल्लभप्रसाद दाहालले शिर्ष दलका केही नेताहरुको नीजि स्वार्थका कारण नेपालको बास्तविक पहिचान खतरामा परेको बताए । दलहरुमा घमण्ड यथाबत रहिरहे कसैले थेग्न नसक्नेगरी देश विखण्डनमा जान सक्ने उनको भनाइ थियो ।
देश बचाउन सक्ने युवा विदेश पठाइएको र मुख्य मेरुदण्डकारुपमा रहेको राजासंस्थालाई पाखा लाउने प्रपन्च रचिदा देशले गति लिन नसक्ने उनले बताए । राजसंस्था रहन्जुलेल विदेशीको नजरबाट सम्मानित नेपाल आज धर्मविहिन अवस्था पुगेको भन्दै उनले न्यायको आन्दोलन थाल्न आबश्यक भइरहेको बताए । परिषदका जिल्ला अध्यक्ष पुष्पराज दाहालको अध्यक्षतामा भएको कार्यक्रममा विभिन्न राष्ट्रवादी तथा धार्मिक व्यक्तित्वहरुको सहभागिता रहेको थियो ।
काठमाडौँ किन आइपुगे पूर्वनवयुवराज हृदयेन्द्र
शिक्षकहरुमाथी रिसिबी साँध्दै सरकार,आन्दोलनमा सहभागी १५८ शिक्षकको सरूवा
संक्रमणकालीन न्यायसम्बन्धी समानन्तर नागरिक आयोग बनाउने चेतावनी
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
