featured photo: Birat Post

विराटनगर,२२ फागुन ।

विराटनगर जेसीजले स्वर्ण जयन्तीको अवसरमा बिराटनगर १४ स्थित बाल माविमा शैक्षिक सामाग्री वितरण गरेको छ । कोशी प्रदेशका सांसद अमृत अर्यालको प्रमुख आतिथ्यता तथा जेसिजका पूर्व अध्यक्ष सुशील रिजालको विशिष्ट आतिथ्यमा सम्पन्न कार्यक्रममा बिद्यालयका लागि आवश्यक व्ह्वाइट बोर्ड तथा शैक्षिक सामाग्री प्रदान गरिएको थियो ।

कार्यक्रममा बोल्दै प्रमुख अतिथी अर्यालले विद्यालयका विद्यार्थीका लागि आवश्यक सामाग्री जेसीजले प्रदान गरेकोमा आभार ब्यक्त गरे । आफ्नो निर्वाचन क्षेत्र पनि रहेको र शिक्षाको क्षेत्रमा विशेष कार्यक्रमहरु ल्याउने बताए । उनले विद्यालयहरुलाई अझै व्यवस्थित बनाउन र गुणस्तरिय शिक्षामा सुधार गर्न पहल गर्ने बताए ।

स्वर्ण जयन्ती जेसीज सप्ताहका मुख्य कार्यक्रम संयोजक तुलसी निरौलाले जेसीज बिशुद्ध नेतृत्व र ब्यक्तित्व बिकास गर्ने संस्था रहेको भए पनि आवश्यकताका आधारमा समाजमा विभिन्न सेवा समेत गर्न तत्पर रहने बताए । विद्यालयलाई व्हाइट बोर्डको आवश्यकता महसुस गरिएकाले आफुहरुले उक्त सामाग्री उपलब्ध गराएको निरौलाले बताए ।

अध्यक्ष अभिनास थापाले आगामी दिनमा शैक्षिक सामाग्री मात्र नभएर विद्यार्थीको ब्यक्तित्व बिकासका लागि आवश्यक अन्य विभिन्न तालिम तथा सिकाइका आवश्यक स्रोत साधन सहयोग गर्ने प्रतिबद्धता ब्यक्त गरे ।

कार्यक्रममा स्वर्ण जयन्ती मुल आयोजक समितिका संयोजक गोपाल गुप्ता , पूर्व राष्ट्रिय अध्यक्ष फुल कुमार लालवानी , बोर्ड अफ ट्रस्ट अध्यक्ष टिकाराज ढकाल , पुर्व अध्यक्ष क्लब अध्यक्ष देबेश प्रदान , विद्यालयका प्रधानाध्यापक बिरेन्द्र कुमार यादव ,स्थानिय कार्यक्रम संयोजक सन्देश कोइराला लगायतको सहभागिता रहेको थियो ।

सम्बन्धित

देशका यी स्थानमा भारी वर्षाको सम्भावना

पूर्वाञ्चल विश्वविद्यालयमा अनुसन्धानात्मक लेख लेखन तथा प्रकाशन सम्बन्धी तालिम

स्मृति स्कुलले मनायो धान दिवस (फोटोहरू)

मेयर र उपमेयरबीचको विवाद : धरान उपमहानगरपालिका तनावग्रस्त