featured photo: Birat Post

विराटनगर,१५ चैत ।

हिन्दू धर्मावलम्वीहरु बुधबार घर घरमा तथा शक्तिपीठहरुमा दुर्गा भवानीको पूजाआजा गरी चैते दशै मनाउँदैछन् । हरेक वर्ष चैत शुक्ल अष्टमीका दिनलाई नेपालीहरु चैते दशैंको रुपमा मनाउने गर्दछन् । चैत प्रतिपदाका दिनदेखि सुरू हुने चैत्र नवदुर्गाको आठौं दिन महाकालीको विशेष पूजा गर्ने गरिन्छ ।

असुर शक्तिमाथि दैवी शक्तिको विजय तथा असत्यमाथि सत्यको विजयका रुपमा लिइने दशैं हिन्दू धर्मावलम्बीहरुले वर्षमा दुई पटक असोज र चैतमा मनाउने गर्दछन् । असोजमा मनाइने दशैंलाई ‘बडादशैं’को रुपमा मनाइन्छ भने चैत शुक्ल अष्टमीमा मनाईंने दशैंलाई ‘चैते दशैं’ भनिन्छ ।

देशका विभिन्न शक्तिपीठहरुमा बुधबार बिहानैदेखि पूजा गर्नेहरुको भीड लागेको छ । दशैंघर तथा कोतहरुमा महाकालीको पूजा गर्ने र बली दिइने गरिन्छ । यस्तै साझमा देवी मन्दिरहरुमा पूजा अर्चना हुने गर्दछ ।

सम्बन्धित

राधाकृष्ण रथयात्राको सम्पूण तयारी पूरा, एक हजार बढी सुरक्षाकर्मी परिचालन गरिने

आशिर्वाद डेन्टल हस्पिटलको आफ्नै सुविधासम्पन्न भवनवाट सेवा सुरु

भारी वर्षाको सम्भावना,सतर्क रहन आग्रह

विराटनगरमा घडा सहितको ३१ फिटको काँवर घुमाएर शिव मन्दिरहरुमा चढाइयो जल