featured photo: Birat Post

विराटनगर,२० वैशाख ।
कोशी प्रदेशका मुख्यमन्त्री हिक्मतकुमर कार्कीले स्थानीय सेवा (गठन तथा सञ्चालन)अध्यादेश -२०८० मा समेटिएका कमजोरीहरुलाई सच्याउने बताएका छन् । मुख्यमन्त्री कार्कीले ऐन बनाउँदा केही कमजोरी भएको स्विकार गर्दै त्यसलाई तत्काल सच्याउने प्रतिवद्धता जनाएका छन् ।

स्थानीय तहका कर्मचारीहरुले अध्यादेशका कारण राजीनामा दिने र विरोधका कार्यक्रम गर्न थालेपछि कार्कीले यसविषयमा चासो दिएका छन् । प्रदेशको राजधानी रहेको विराटनगर महानगरका कर्मचारीले पनि राजिनामा दिन थालेपछि उपमेयर शिल्पा निराला कार्की सहितको टोलीले मुख्यमन्त्री कार्कीको ध्यानाकर्षण गराएको थियो ।

मुख्यमन्त्री आफैले असन्तुष्ट कर्मचारीलाई सम्पर्क गरेर कमजोरी सच्याउने जानकारी गराए पछि कर्मचारी वृतमा केही खुसी छाएको छ । करार,अस्थाइ र स्थानिय तहका लागि समायोजन भएका कर्मचारीहरु यो विधेयक आए संगै सशंकित देखिएका थिए ।

सम्बन्धित

हाल देशभर मनसुनी वायुको प्रभाव,कहाँ-कहाँ छ भारी वर्षा ?

‘नारदमुनि पवित्रादेवी लुईटेल स्मृति कोष’द्वारा पत्रकार विक्रम निरौला सहित ५ जना सम्मानित

भोजपुर हत्याकाण्ड : मृतक सबैको शव परीक्षणका लागि सदरमुकाम लगियो

कोशी प्रदेशको मनसुन तथा प्रतिकार्य योजनाका विषयमा रेडक्रसद्धारा छलफल