Birat Post बुधबार, कार्तिक १५, २०८० मा प्रकाशित
विराटनगर,१५ कात्तिक / रोटरी क्लब अफ विराटनगर डाउन टाउनले सफाई महिला कर्मचारीहरुलाई पोशाक वितरण गरेको छ । विराटनगरस्थित बालिका विद्यालयमा आयोजित कार्यक्रममा संस्थाले घर–घरमा गएर सरसफाई गर्ने महिलाहरुलाई पोशाक वितरण गरेको हो ।
कार्यक्रमा विराटनगर महानगरपालिकाकी उपमेयर शिल्पा निराला कार्कीले सफाई महिला कर्मचारीलाई सारी, चोलो, खाजा, मिठाई र जुस वितरण गर्नुभएको थियो । तिहार र छठ पर्वलाई ध्यानमा राखेर ५० जना सफाई कर्मचारीलाई पोशाकसहितका सामग्री वितरण गरिएको कार्यक्रम संयोजक गिरिजा सारडाले जानकारी दिनुभयो ।
त्यस्तै सोही अवसरमा प्लाष्टिकको झोला प्रयोगलाई निरुत्साहित गर्ने उद्देश्यका साथ कपडाको झोलासमेत वितरण गरिएको थियो ।
बालिका विद्यालयको पर्खालमा नेपालको संस्कृति र कला झल्किने चित्रहरु बनाइए आयोजक संस्थाकी अध्यक्ष कुसुम सेनवाला बताउनुभयो । कार्यक्रममा उपमेयर कार्कीले विराटनगरको विकासमा रोटरीजस्ता सामाजिक संस्थाहरुको भूमिका महत्वपूर्ण हुने विचार व्यक्त गर्नुभयो । सबैको सहकार्यले मात्रै विराटनगरको चौतर्फी विकास हुने उहाँको भनाइ थियो ।
शिक्षकहरुमाथी रिसिबी साँध्दै सरकार,आन्दोलनमा सहभागी १५८ शिक्षकको सरूवा
संक्रमणकालीन न्यायसम्बन्धी समानन्तर नागरिक आयोग बनाउने चेतावनी
आज देशका यी स्थानमा चट्याङ्गसहित मध्यम वर्षाको सम्भावना
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
