Birat Post मंगलबार, बैशाख ०४, २०८१ मा प्रकाशित

featured photo: Birat Post

विराटनगर, ४ वैशाख । समाजमा महिला हिंसाको अन्त्य र सामाजिक न्याय कायम गर्न  कानुनको कार्यान्वयन आवश्यक रहेको सहभागी वक्ताहरुले जोड दिएका छन् । राष्ट्रिय महिला आयोगद्वारा आज विराटनगरमा आयोजित महिलाको हक हित र अधिकार विषयमा विद्यमान  कानुनी व्यवस्था र कार्यान्वयन सम्बन्धी अन्तरक्रियामा सहभागीहरुले तीन तहको सरकारले महिला सम्बन्धी कानुन  कार्यान्वयनको आवश्यक अनुगमनको व्यवस्था गरेमात्र समाजमा हिंसाको न्यूनिकरणमा सहयोग पुग्ने धारणा राखेका छन् ।

कोशी प्रदेशकी उपसभामुख सिर्जना दनुवारले अन्तरक्रियाको उद्घाटन गर्दै समुन्नत समाज निर्माण गर्न महिला र पुरुषप्रति समान व्यवहार हुनु आवश्यक रहेको बताइन् । उनले महिलालाई राज्यले प्रदान गरेको उपलव्धि प्राप्त गर्न थप आन्दोलन गर्नु जरुरी रहेको धारणा राखिन् ।
आयोगकी केन्द्रीय अध्यक्ष कमलाकुमारी पराजुलीले महिलाहरुको मानवीय विकासका लागि तीन तहको सरकारले आवश्यक वजेटको व्यवस्था गर्नुपर्ने सुझाव दिइन् ।

प्रदेशका कायममुकाम प्रमुख सचिव केदारनाथ शर्माले महिला हकहित प्राप्तिका लागि प्रदेशका मन्त्रालय उत्तरदायी रहेको जानकारी दिँदै महिला हिंसा न्यूनिकरणका कानुन  कार्यान्वयन पक्ष कमजोर रहेको स्विकार गरे । आन्तरिक मामिला तथा कानुन  मन्त्रालका सचिव लक्ष्मीप्रसाद पौडेल, जिल्ला समन्वय समिति मोरङकी उप संयोजक उषा झा, मोरङका प्रमुख जिल्ला अधिकारी प्रेमप्रसाद भट्टराईले महिला शिक्षा एवं आत्मनिर्भर बनाउन आवश्यक बजेटको व्यवस्था गर्नुपर्ने सुझाव दिए ।

सामाजिक विकास मन्त्रालय महिला विभाग प्रमुख दुर्गा भण्डारीले लैङ्गिक समानता, महिला सशक्तीकरण र लैङ्गिक हिंसाको अवस्था सम्बन्धमा कोशी प्रदेश सरकारका प्रयासहरु विषयक कार्यपत्र प्रस्तुत गरेकी थिइन् ।

सम्बन्धित

ताजा अपडेट
ऐँसेलुखर्कमा १५ शय्या अस्पताल निर्माण गरिँदै
पशुपतिनाथका चारवटै ढोका असार १ गतेदेखि खोलिने
मापसेका नाममा सडकमा ठिंग्याएर राख्नु अधिकारमाथिको हनन् होः रामहरि खतिवडा

लोकप्रिय

सम्पर्क

 

 

 

विराटपोष्ट डिजिटल प्रा.लि.

विराटनगर – मोरङ ,नेपाल

कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५

सूचना तथा प्रसारण विभाग दर्ता नं:१६६५/०७६/०७७
Email: [email protected] 

सामाजिक संजाल

सञ्चालक तथा सम्पादक

कौशल निरौला

 सम्पादन मण्डल 

रोशिका अधिकारी

स्वस्तिका पाेखरेल

  निर्देशक

सुजन निरौला

काठमान्डौं व्यूरो
   सम्पादक
विनोद पोखरेल

बिज्ञापनका लागि :

विराटनगर : ९८१२३०६६६०/ ९८५२०८७८२०
काठमान्डौं : यादव पोखरेल –  ९८४२०५९१२९

[email protected]

विराटपोष्ट  डिजिटल प्रा.लि.

विराटनगर – मोरङ ,नेपाल