featured photo: Birat Post

विराटनगर,२८ बैशाख । नेपाल मारवाडी ब्राह्मण समाज विराटनगरले भगवान् परशुराम जयन्ती मनाएको छ । शुक्रबार विराटनगरमा विशेष धार्मिक प्रवचन तथा सास्कृतिक कार्यक्रमको आयोजना गरिएको छ ।

आचार्य रामानुज स्वामीले भगवान् परशुरामका विषयमा केन्द्रीत रहेर प्रवचन समेत गरेका थिए । यस्तै कार्यक्रममा धार्मिक व्यक्तित्व तथा नेपाली कांग्रेसका नेता भीम पराजुली ,मोरङ व्यापार संघका पूर्व अध्यक्ष देवेन्द्र राजगडियाको विशिष्ट आतिथ्यता रहेको ब्राह्मण समाजका अध्यक्ष सुशिल कुमार जोशीले जानकारी दिए ।

कार्यक्रममा विभिन्न प्रतिभाहरु उजागर गर्नका लागि समाजका सयौ मानिसहरुको उपस्थिती रहेको थियो । यस्तै कार्यक्रममा मारवाडी समुदायका विभिन्न सांगठनिक अध्यक्षहरु,सतिष दुगड,मुकेश कुमार राठी,अभिषेक तोदी र भीखमचन्द सरल लगायतको उपस्थिती रहेको थियो । कार्यक्रमको सञ्चालन संस्थाका महासचिव शिवरतन जोशी र धन्यवाद ज्ञापन विजय मिश्राले गरेका थिए ।