विराटनगरका साहित्यकार/कृति
Birat Post बुधबार, जेठ २३, २०८१ मा प्रकाशित
विराटनगर,२३ जेठ / विराटनगर महानगरपालिकाले श्रमिकहरुलाई सम्मान गरेको छ । प्रधानमन्त्री रोजगार कार्यक्रमअन्तर्गत सय दिने रोजगारीमा खटेका ७६ जना श्रमिकलाई महानगरले सम्मान गरेको हो ।
महानगरमा बुधबार आयोजित कार्यक्रममा मेयर नागेश कोइराला, उपमेयर शिल्पा निराला कार्की र प्रमुख प्रशासकीय अधिकृत राजेन्द्र पराजुलीले खादा लगाएर सम्मानपत्र प्रदान गर्नुभएको थियो ।
उनीहरुलाई प्रधानमन्त्री रोजगार कार्यक्रमअन्तर्गत महानगरका १० वटा वडामा परिचालन गरी विभिन्न आयोजनाहरुमा खटाइएको थियो । नमुना रोजगार सेवा केन्द्रकी रोजगार सहायक सरस्वती साहका अनुसार वडा नम्बर ६ मा ८ जना, १० मा ७ जना, ११ मा ८ जना, १२ मा ८ जना, १३ मा ७ जना, १४ मा ८ जना, १५ मा ७ जना, १६ मा ८ जना, १८ मा ८ जना र १९ वडामा ७ जना खटिएका थिए ।
प्रधानमन्त्री रोजगार कार्यक्रममा खटिएका श्रमिकहरुलाई दैनिक ६ सय ६८ रुपैयाँका दरले मासिक रुपमा उपलब्ध गराइएको थियो । कार्यक्रमलाई सम्बोधन गर्दैै मेयर कोइरालाले महानगरवासीलाई स्वरोजगार बनाउन विभिन्न किसिमका तालिमहरु सञ्चालन गरिरहेको बताउनुभयो । उहाँले सीप सिकेर स्वरोजगार बन्न श्रमिकहरुलाई आग्रह पनि गर्नुभयो । उपमेयर शिल्पा निराला कार्कीले आगामी आर्थिक वर्षमा सो कार्यक्रमलाई अझै प्रभावकारी रुपमा सञ्चालन गरिने बताउनुभयो ।
नागरिक अगुवाद्धारा पूर्व राजा ज्ञानेन्द्र शाहमाथी गम्भिर आरोप, खण्डन गर्दै राजावादीले भने ‘देश रहे राजा रहने हो’
‘हेलो सरकार’ ह्याक गरेको रुसी ह्याकरको दाबी
आफु विरुद्ध माओवादीले फेक च्याट प्रयोग गरेको ज्ञानेन्द्र शाहीको आरोप
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
