featured photo: Birat Post

कौशल निरौला

विराटनगर,२२ मंसिर । विराटनगर–४ ग्रीनपार्कमा रहेको रुद्रेश्वर शिव पाञ्चायन मन्दिर सेवा समितिद्वारा आयोजना गरिएको श्रीमद्भागवत महापुराणमा धर्मानुरागीहरुको व्यापक सहभगिता बढेको छ ।

पुराणका मुख्य वाचक योगेश भण्डारी र सहायक वाचक पण्डित श्याम पौडेल रहेका छन् । मंसिर १७ गतेदेखि सुरु भएको पुराण २३ गतेसम्म भइ सम्पन्न हुनेछ । पुराणमा दान गर्ने दाताहरुलाई आयोजकले बिभिन्न खाले सम्मानको व्यवस्था गरेको छ ।

एक हजार एक सय रुपैयाँ भन्दा माथि र एक लाख रुपैयाँ भन्दा माथि दान गर्नेहरुलाई बिभिन्न खाले सम्मान गरिने मन्दिर समितिका अध्यक्ष शम्भु पोखरेलले जानकारी दिए ।

विराटनगरका विभिन्न भजन समुह लगायत धर्मानुरागीहरुको उल्लेख्य सहभागिता भएको मुल आयोजक समितिका संयोजक नुर्जप्रसाद तिम्सिनाले बताए । एक करोड रुपैयाँको अक्षयकोष स्थापनाका लागि गरिएको पुराणले आशाजनक बनाएको तिम्सिनाको भनाइ छ ।

सम्बन्धित

देशका यी स्थानमा भारी वर्षाको सम्भावना

पूर्वाञ्चल विश्वविद्यालयमा अनुसन्धानात्मक लेख लेखन तथा प्रकाशन सम्बन्धी तालिम

स्मृति स्कुलले मनायो धान दिवस (फोटोहरू)

मेयर र उपमेयरबीचको विवाद : धरान उपमहानगरपालिका तनावग्रस्त