Birat Post बुधबार, चैत्र २७, २०८१ मा प्रकाशित
विराटनगर,२७ चैत । विराटनगरको वाइआरसिसि क्रिकेट क्लब चौथो संस्करणको मिल्स कप इण्डो–नेपाल टि–२० क्रिकेट प्रतियोगितामा सेमिफाइनल प्रवेश गरेको छ । बुधबार विराटनगरको जुट मिल खेलमैदानमा भएको अन्तिम क्वार्टरफाइनल खेलमा सिराहा क्रिकेट क्लबलाई ६ विकेटले पराजित गर्दै वाइआरसिसिले सेमिफाइनलमा स्थान सुरक्षित गरेको हो ।
सिराहाले दिएको १४१ रनको लक्ष्य वाइआरसिसिले मात्र १३ ओभरमा ४ विकेटको क्षतिमा पूरा ग¥यो । वाइआरसिसिको उत्कृष्ट जितमा अमित श्रेष्ठको विस्फोटक ब्याटिङ महत्वपूर्ण रह्यो । उनले २५ बलमा ४ छक्का र ४ चौका प्रहार गर्दै ४६ रन बनाएर प्लेयर अफ द म्याच घोषित भए । उनले नगद ३ हजार प्राप्त गरे ।
अमित यादवले पनि उत्कृष्ट प्रदर्शन गर्दै अविजित २९ बलमा २ छक्का र ३ चौकासहित ३७ रन बनाए । ओपनर अमिर शेखले ७ बलमा तीव्र गतिले २१ रन जोडे । दिलिप नथले अविजित ७ बलमा १६ रन र शुभ कंसाकारले १० बलमा १२ रन बनाए । सिराहाका कुस मन्डल र आनन्द कमाईतले टिमका लागि २–२ विकेट लिए ।
पहिले ब्याटिङ गरेको सिराहाले १९.३ ओभरमा अलआउट हुँदै १४० रन बनाएको थियो । सिराहाका लागि शैलेन्द्र साहले सर्वाधिक १७ बलमा २७ रन बनाए । चन्दन यादवले १२ बलमा १६ रन, राकेश कामतले १५ रन र फतेन सिद्दिकीले अविजित १२ बलमा १४ रनको योगदान दिए ।
वाइआरसिसिका बलरतर्फ विधान गोस्वामीले उत्कृष्ट प्रदर्शन गर्दै ४ ओभरमा ३५ रन खर्चेर ३ विकेट लिए । राम नरेश गिरीले ४ ओभरमा ३३ रन खर्चेर २ विकेट लिए र नरेन साउदले ४ ओभरमा २४ रन खर्चेर २ विकेट लिए । वाइआरसिसिको यो जितसँगै प्रतियोगिताको सेमिफाइनल समीकरण पूरा भएको छ । बिहीबार हुने पहिलो सेमिफाइनलमा विराटनगरको होराइजन र हाइपर क्रिकेट क्लब पटनाबीच प्रतिस्पर्धा हुनेछ ।
शुक्रबार वाइआरसिसिले सिद्धार्थ स्पोर्टिङ क्लब (एनबीएससी) विरुद्ध दोस्रो सेमिफाइनल खेल्नेछ । प्रतियोगिताको विजेता टिमले २ लाख १ हजार नगद पुरस्कारसहित आकर्षक ट्रफी प्राप्त गर्नेछ भने उपविजेता टिमले १ लाख १ हजार नगद पुरस्कार हात पार्ने मिल्स क्रिकेट क्लब एन्ड एकाडेमीकी सचिव शान्ता श्रेष्ठले दिएकी छिन् । चैत ३० गतेसम्म संचालन हुने यस प्रतियोगितामा १२ वटा टिमको सहभागिता रहेको छ ।
शिक्षकहरूमाथिको बल प्रयोग र पालिका मार्फत धम्क्याउनु गलत : शेखर कोइराला
पत्रकार कार्कीको तिलगंगामा उपचार हुँदै, दुवै आँखामा गम्भीर चोट
आज भूकम्प स्मृति दिवस, सचेतनामूलक कार्यक्रम गरी मनाइँदै
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
