Birat Post बिहिबार, जेठ २२, २०८२ मा प्रकाशित
विराटनगर,२२ जेष्ठ । विश्व वातावरण दिवसको अवसरमा विराटनगरस्थित हिमालय दर्शन कलेजले सडक सरसफाइ कार्यक्रम सम्पन्न गरेको छ । वातावरणीय सचेतना अभिवृद्धि गर्न उद्देश्यले उक्त कार्यक्रम बिहीबार विहान आयोजना गरिएको हो ।
कार्यक्रम कलेज परिसरबाट सुरु भई ट्राफिक चोक हुँदै रोडशेष चोकसम्म सरसफाइ गरिएको थियो । कलेजमा अध्ययनरत करिब ६५ जना विद्यार्थीहरू सहभागी रहेको सरसफाइ कार्यक्रममा उनीहरूले प्लाष्टिक, कागज, धुलोमाटो लगायत फोहोर संकलन गर्दै वातावरण सफा राख्नमा जनचेतना फैलाउने कार्यसमेत गरे ।
हिमालय दर्शन कलेजका प्रमुख भरत सापकोटाका अनुसार, सरसफाइ कार्यक्रम विश्व वातावरण दिवसकै सन्दर्भ पारेर आयोजना गरिएको बताए । उनका अनुसार वातावरण संरक्षण केवल सरकारी निकायको दायित्व नभएर हरेक नागरिकको जिम्मेवारी भएकाले विद्यार्थीहरूलाई सामाजिक कार्यमा पनि सक्रिय बनाउन कलेजले यस्ता कार्यक्रम सञ्चालन गरेको बताए ।
‘आजको युगको सबैभन्दा ठूलो चुनौती वातावरण प्रदूषण हो,’ कलेज प्रमुख सापकोटाले भने, ‘विशेषगरी प्लाष्टिकजन्य वस्तुको अत्यधिक प्रयोगले वातावरणीय सन्तुलन बिग्रँदै गएको छ । त्यसैले हामीले प्लाष्टिकजन्य फोहोर हटाउने अभियानलाई प्राथमिकतामा राखेर कार्यक्रम गरियो ।’
यस कार्यक्रमको आयोजना हिमालय दर्शन कलेज अन्तर्गतको टुरिजम क्लबको पहलमा गरिएको हो । कलेजमा बीएचएम (ब्याचलर इन होटल म्यानेजमेन्ट) अध्ययनरत विद्यार्थीहरूको संयोजनमा उक्त क्लब स्थापना गरिएको हो । क्लबले सरसफाइ कार्यक्रम आयोजना गर्दै सामाजिक उत्तरदायित्वमा विद्यार्थीको सक्रियता जनाउँदै आएको छ ।
सरसफाइ कार्यलाई थप व्यवस्थित बनाउन विद्यार्थीहरूलाई आधा दर्जन समूहमा विभाजन गरिएको थियो । हरेक समूहले तोकिएको क्षेत्रमा सडक सफा गर्ने कार्य सम्हाल्यो । कार्यक्रमको दौरानमा फोहोरलाई वर्गीकरण गरी फाल्ने, प्लाष्टिकजन्य वस्तुहरूको असरबारे जनचेतना फैलाउने लगायत गतिविधिहरू समेत गरिएको थियो ।
कार्यक्रममा बीएचएमका साथै अन्य संकायमा अध्ययनरत विद्यार्थीहरूको पनि उल्लेखनीय सहभागिता थियो । सबै सहभागीहरूले जनहितका यस्ता सामाजिक कार्यमा निरन्तर सहभागी भइ वातावरण जोगाउन भूमिका निर्वाह गर्नुपर्नेमा जोड दिए ।
कलेजका प्राध्यापक, व्यवस्थापक, तथा क्लब संयोजकहरूले सरसफाइ अभियानको सफलतामा महत्वपूर्ण भूमिका खेलेका थिए । कार्यक्रमले विद्यार्थीहरूमा सामाजिक चेतना र वातावरणप्रति जिम्मेवारीको भावना विकास गराएको सहभागिहरूको धारणा थियो ।
हिमालय दर्शन कलेजले आगामी दिनहरूमा पनि वातावरण संरक्षण, प्लाष्टिक न्यूनिकरण, हरियाली विस्तार लगायत विषयमा विभिन्न सचेतनामूलक कार्यक्रम सञ्चालन गर्ने योजना बनाएको जानकारी दिएको छ । आयोजित उक्त कार्यक्रममा कलेजका विद्यार्थी, शिक्षक तथा टुरिजम क्लबका सदस्यहरूको सहभागितामा कार्यक्रम रहेको थियो ।
नेपालले वेस्ट इन्डिजविरुद्ध तीन टी-२० आई खेलको सिरिज खेल्ने
नेतृ शैलजा आचार्यको १६ औं स्मृति दिवस : निष्ठा र त्यागको चर्चा गर्दै पोलिटेक्निकद्धारा विविध कार्यक्रम सम्पन्न
दिल्लीमा गर्मीको लहर : रेड अलर्ट जारी
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
