featured photo: Birat Post

काठमान्डौ १५ जेष्ठ ।
सरकारले स्वास्थ्य तथा जनसंख्या मन्त्रालयका लागि ९० अर्ब ६९ करोड रुपैयाँ विनियोजन गरेको छ । कोरोनाका कारण समस्याग्रस्त बन्दै गएको पछिल्लो परिस्थितिलाई मध्यनजर गर्दै सरकारले स्वास्थ्यक्षेत्रलाई बिशेष प्राथमिकता दिएको छ । आर्थिक वर्ष २०७७–७८ को बजेट अर्थमन्त्री युवराज खतिवडाले बिहिबार सार्वजनिक गरेका अन्य कार्यक्रम भन्दा स्वास्थ्य क्षेत्रको कार्यक्रमको चर्चा बढी हुन थालेको छ ।

सरकारले कोरोना रोकथामका लागि ६ अर्ब छुट्टाएको छ । स्वास्थ्यकर्मीको ५ लाखको निःशुल्क बीमा , एक चिकित्सक एक स्वास्थ्य संस्था कार्यक्रमका शुरुवात गर्न ५ अर्व १० करोड छुट्टाएको छ । स्वास्थ्य पूर्वाधार विकासका लागि १२ अर्ब ४६ करोड, स्थानीय तहमा २ सय ७२ अस्पताल स्थापना गर्न १४ अर्ब २७ करोड,कोरोना बीमामा ५० प्रतिशत प्रिमियम सरकारले तिर्ने, ३ सय शंयाको सरुवा रोग अस्पताल बनाइने, महिला स्वास्थ्य स्वयंसेविकाको यातायात खर्च दोब्बर बनाउने,कान्ति बाल अस्पतालमा थप आईसीयू बनाउने, राजमार्गमा ट्रमा सेन्टर स्थापना गर्ने , विपदको बेलामा निजी क्षेत्रका अस्पताललाई उपयोगमा ल्याउन सक्ने व्यवस्था गर्ने, निरोगी नेपाल अघि बढाउन सन्तुलित आहार स्वस्थ जीवनशैलीका लागि आयुर्वेद उपचार पद्धति र व्यायामशाला योग केन्द्र लगायतको सञ्चालन गर्ने , राष्ट्रिय रोग निदान केन्द्र स्थापना गर्ने , निजी अस्पतालले जिल्ला अस्पतालमा अनिवार्य विशेषज्ञ सेवा दिने व्यवस्था गरिने, आगामी वर्ष नेपाललाई पूर्ण खोपयुक्त घोषणा गर्ने लगायतका कार्यक्रम सार्बजनिक गरेको छ ।