featured photo: Birat Post

काठमाडौँ १६ जेष्ठ ।
नेपालमा कोरोना संक्रमितको १२ सय भन्दा बढी भएको छ । स्वास्थ्य तथा जनसंख्या मन्त्रालयका अनुसार हालसम्म कोरोना संक्रमितको संख्या १ हजार २ सय १२ पुगेको छ । कोरोनाको संक्रमणबाट अहिलेसम्म नेपालमा ६ जनाको ज्यान गइसकेको छ ।

स्वास्थ्य मन्त्रालयका अनुसार २०६ जना कोरोना संक्रमित उपचार पश्चात निको भएर घर फर्किएका छन् । साथै कोरोनाको संक्रमण ५२ जिल्लामा फैलिएको छ । पछिल्लो समय भारतबाट फर्कनेहरुको संख्या बढेसँगै नेपालमा कोरोना संक्रमितको संख्या समेत बढेको छ । यसका लागि सरकारले थप निगरानी र व्यवस्थापन गर्न आबश्यक देखिएको छ ।