उदयपुर २२ असोज ।
उदयपुर कटारी–८ स्थित सिद्धिचरण राजमार्गको दमार भीरबाट कन्टेर खसेर दुर्घटना भएको छ ।
ना ५ ख ९४२४ नम्बरको कन्टेनर अनियन्त्रित भई ७ सय मिटर तल खसेर भएको दुर्घटनामा कटारीका ४५ वर्षीय मीनबहादुर मगर र ठेगाना नखुलेका राकेशकुमार यादवको घटनास्थलमै मृत्यु भएको हो । उक्त दुर्घटनामा कन्टेनरका चालक र सहचालक समेत घाइते भएका छन् ।
घाइते झापा दमकका योगेन्द्र दाहाल (चालक) र सुनसरी बराहक्षेत्रका विजय भुजेल (सहचालक) को नोबेल अस्पताल विराटनगरमा उपचार भइरहेको जिल्ला प्रहरी कार्यालय उदयपुरले जनाएको छ ।