Birat Post मंगलबार, कार्तिक ०४, २०७७ मा प्रकाशित
विराटनगर ४ कार्तिक ।
अवैध रुपमा भन्सार छली गरी लुकाइ छीपाइ ल्याएको करिब ११ लाख मुल्य बराबरको सामानहरु जिल्ला प्रहरी कार्यालय मोरङले बरामद गरेको छ । जिल्ला प्रहरी कार्यालय मोरङ तथा मातहतबाट गस्तीमा खटिएको प्रहरी टोलीले ११ लाख मुल्य बराबरको अतिसबाजी (पटका), खाद्यान्न तथा लत्ता कपडाहरु बरामद गरी भन्सार कार्यालयमा बुझाएको छ ।
भारतिय सिमा एरियाहरुमा खटिएको प्रहरी टोली तथा विशेष सुराकीका आधारमा मोरङको कटहरी–४ लोहन्द्रा घाटमा खटिएको प्रहरी टोलीले १ लाख ८० हजार बराबरको पटका, ७ लाख बराबरको लत्ता कपडा तथा २ लाख २० हजार रुपैया बराबरको खाद्यान्न सामानहरु बरामद गरी विराटनगर भन्सार कार्यालयमा बुझाएको जिल्ला प्रहरी कार्यालय मोरङले जनाएको छ ।
यसै गरी जिल्ला प्रहरी कार्यालय झापा तथा मातहतबाट सिमा एरियाहरुमा गस्तीमा खटिएको प्रहरी टोलीले ३ लाख बराबरको पटका तथा खाद्यान्न सामानहरु बरामद गरी भन्सार कार्यालयमा बुझाएको छ ।
यता जिल्ला प्रहरी सुनसरीबाट खटिएको प्रहरी टोलीले ६० हजार रुपैया बराबरको भन्सार छली गरी ल्याएका खाद्यान्न सामानहरु बरामद गरी भन्सार कार्यालयमा बुझाएको छ ।
तस्कर नियन्त्रण तथा भन्सार छली नियन्त्रण गर्ने अभियान तथा कानुन विपरित अवैध रुपमा चोरी निकासी पैठारी रोक्ने अभियान स्वरुप विशेष कदम चालिएसंगै यसरी अवैध रुपमा भन्सार छली गरी ल्याएका सामानहरु बरामद गरी भन्सार कार्यालयमा बुझाउदै आइएको प्रहरीले जनाएको छ ।
रौतहटमा स्कारपियो दुर्घटना हुँदा ८ जनाको मृत्यु, पाँच जना घाइते
सहकारी ठगीमा रवि र छविलाई वीरगञ्जमा बयान लिइँदै
देशभर पश्चिमी वायुको प्रभाव, तराई तथा उपत्यकामा हुस्सु
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
