Birat Post बिहिबार, कार्तिक ०६, २०७७ मा प्रकाशित
विराटनगर ६ कार्तिक ।
भारतको जोगबनीमा एक नेपाली युवाको शव भेटिएको छ । झण्डै २५–२६ वर्षको जस्तो देखिने युवाको शव भेटिएको हो । मृतक युवा नेपाली भएको प्रारम्भिक अनुसन्धानबाट खुलेको प्रहरीले जनाएको छ ।
केही स्थानिय वासिन्दाले मृतक युवा सुनसरी इटहरीका भएको जानकारी दिएका छन् । तर आफन्त र परिवारका कोही पनि सदस्य सम्पर्कमा आइनसकेकाले मृतकको पहिचान र विस्तृत विवरण खुल्न सकेको छैन । लागुऔषध दुव्र्यसनीमा लागेको र नियमित रुपमा आउजाउ गर्ने भएकाले स्थानीयले इटहरीका युवा भनेर चिनेको बताएका छन् ।
नाक र मुखबाट रगत बगिरहेको तथा शरीरका केही भागमा निलडाम समेत देखिएकाले घटनाको प्रकृति हेर्दा हत्याको आशंका गरिएको छ । प्रहरीका अनुसार दुवै हातमा ट्याटु रहेका मृतकले सेतो जुत्ता, निलो रंगको जिन्स पेन्ट र गाडा निलो रंगको सर्ट लगाएको अवस्थामा शव भेटिएको छ ।
भारतीय प्रहरीले पोस्टमार्टमका लागि घटनास्थलबाट शव उठाएर लगेको छ । नेपाली भए पनि भारतीय भूमिमा शव भेटिएका कारण घटनाको अनुसन्धान तथा कानुनी प्रक्रिया भारतीय प्रहरीले अघि बढाउने भएको छ ।
महानगरद्वारा ज्येष्ठ नागरिक, अपांग र सुत्केरीका लागि नि:शुल्क एम्बुलेन्स सेवा सुरु
मैत्रीपूर्ण भलिबल प्रतियोगिताको जितले टिमलाई ऊर्जा प्राप्त भएको छ : घमाल
सुदूरपश्चिम प्रदेशमा गयो दुई ठूला भूकम्प, क्षतीको विवरण आउन वाकी
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
