Birat Post सोमबार, माघ ०५, २०७७ मा प्रकाशित
विराटनगर ५ माघ ।
‘ हामीलाई पनि समावेश गर’ भन्ने नाराका साथ राष्ट्रिय अपाङगता महासंघले प्रदेश १ स्तरिय पाँचदिने क्षमता विकास तालिम सम्पन्न गरेको छ । तालिममा प्रदेश १ का १२ जिल्लावाट ४२ जनाले सहभागिता जनाएका थिए । अपाङ्गताका १० प्रकारलाई पहिलोपटक एकै थलोमा राखेर तालिम प्रदान गरिएको यो पहिलोपटक हो ।
लेखाई, खेल, नृत्य एवं नाटकको माध्यमबाट नेपालको संविधान, अपाङ्गहरुको अधिकार , पालिका र ग्रामीण क्षेत्रबाट लिनुपर्ने हक अधिकारका विषयवस्तुमा तालिमलाई लक्षित गरिएको राष्ट्रिय अपाङ्ग महासंघ संघीय कोषाध्यक्ष के.पी. अधिकारीले जानकारी दिए । कार्यक्रममा दोभाषेको भुमिका सन्तोषि तिवारी,राधिका न्यौपाने,यसोधा थापा,डिल्लिरमण तिम्सिनाले गरेका थिए ।
आइतवार विराटनगरमा आयोजित समापन कार्यक्रममा विराटनगर महानगरपालिकाका मेयर भीम पराजुलीले अपाङ्ग महासंघको भवन निर्माणका लागि आवश्यक सहयोग उपलव्ध गराउने प्रतिवद्धता व्यक्त गरेका छन् । उनले विराटनगरको आदर्श माविमा अपाङ्ग सहितको समावेशी शिक्षा अध्ययन गराउने नमूना विद्यालयको निर्माणका लागि अन्तिम तयारी भएको बताए । अपाङ्गता भएकाहरुको रोजगारीका लागि आबश्यक प्रबन्ध गर्न विभिन्न निकाय संग समन्वय भइरहेको र यसमा सवैको सहयोग आबश्यक रहने बताए ।
कार्यक्रममा शिक्षा विकास तथा समन्वय एकाइ मोरङका प्रमुख टंकप्रसाद गौतम,राष्ट्रिय अपाङ्गता महासंघ प्रदेश अध्यक्ष पार्वता श्रेष्ठ,राष्ट्रिय अपाङ महासंघ संघीय अध्यक्ष मित्रलाल शर्मा लगायतको सहभागिता रहेको थियो ।
शिक्षकहरुमाथी रिसिबी साँध्दै सरकार,आन्दोलनमा सहभागी १५८ शिक्षकको सरूवा
संक्रमणकालीन न्यायसम्बन्धी समानन्तर नागरिक आयोग बनाउने चेतावनी
आज देशका यी स्थानमा चट्याङ्गसहित मध्यम वर्षाको सम्भावना
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
