Birat Post शुक्रबार, माघ ०९, २०७७ मा प्रकाशित
विराटनगर ९ माघ ।
क्षयरोगीको संख्या बढ्दै गएको आंकलन गर्दै विराटनगर महानगरले खोजपड्ताल र न्यूनिकरणका लागि अभियान शुरु गरेको छ । विराटनगरका ५ र १५ नम्बर वडामा सक्रिय बिरामी खोजीका लागि स्वास्थ्यकर्मी सहितको टोली परिचालन गरिएको छ । शुक्रबार महानगरका मेयर भीम पराजुलीले ती वडाहरुमा रहेको स्वास्थ्यकेन्द्रको अवस्था अनुगमन गर्नका साथै आवश्यक मेशिनहरु हस्तान्तरण गरेका छन् ।
सहयोगी संस्थाहरु विएनएमटी,सिआरएस र नाटाको सहयोगमा खोजपड्ताल अभियान थालनी भएको हो । यस्तै आवश्यक प्राविधिक सामाग्री र युएसजी मेशिन विराटनगर महानगरले खरिद गरी वडामा रहेका स्वास्थ्य संस्थामा हस्तान्तरण गरिएको महानगरका जनस्वास्थ्य महाशाखा प्रमुख रमेश कार्कीले जानकारी दिए । कार्यक्रममा बोल्दै मेयर पराजुलीले क्षयरोगीको संख्या देशभर बढ्दै गएको र यसको प्रभाव विराटनगरमा पनि रहेको अनुसन्धानबाट देखिन आएकाले खोजपड्ताल अभियान थालिएको बताए ।
कुनैपनि उमेर ,समुहका मानिसले अकालमा ज्यान नगुमाउन् भन्ने उदेश्यका साथ थालिएको अभियानमा सहभागी हुन मेयर पराजुलीले अपिल गरे । विराटनगरमा अहिले ३ सयको हाराहारीमा क्षयरोगीका बिरामी रहेका छन् । खोजपड्ताल शुरु भए संगै यो संख्या बढ्ने अनुमान स्वास्थ्यविज्ञहरुले गरेका छन् । नेपालमा हरेक दिन २० जना क्षयरोगीहरु मर्ने गरेको तथ्याङ्क सार्वजनिक भएको छ ।
असोज १ गते शोक बिदा दिने सरकारकाे निर्णय
जेनजी आन्दोलनका शहीद परिवारलाई सरकारले १५ लाख दिने
सामाजिक सञ्जाल बन्द गर्ने सरकारको निर्णयविरुद्ध सर्वोच्चमा रिट
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
